رسالة يهوذا المعبرة عن هذا الزمان

[walaa farouk]

بشوف ان رسالة يهوذا معبرة جدا عن زماننا دا
يهوذا لما كتب الرسالة دي كان متآثر بالهرطقة اللي كانت منتشرة وقتها اللي اتعرفت ب "Gnosticism "
وهي ان الناس بدأت تنكر وجود الله وتعظم نفسها وعقلها وتبيح لنفسها الدعارة والإباحية
مقارنة بالوضع الحالي مع انتشار ال social media ..حياتنا كلها بقت عبارة عن
شوية بدع وكلام فاضي بنقنع نفسنا بيه وأننا كدا open minded ومبقاش ف حاجة اسمها لا عيب ولا حرام
وع ذكر العيب ..بقينا بنستخدم ف كلامنا الدارج مصطلحات كتير ع سبيل الهزار
ولكن ف الحقيقة هي ما ينفعش تتقال
بيذكر يهوذا موقف ..لما مات موسي ربنا أخفي جسده
عشان الناس ما تعبدهوش وجه الشيطان عايز يطلعه
لكن الملاك وقف له وبمنتهي الاحترام قاله «لِيَنْتَهِرْكَ الرَّبُّ!»." (يه 1: 9)
مع ان دا إبليس يعني وبنعتقد إن الشتيمة والإهانة فيه حلال
لكن ربنا هنا عايز يقول إنها مش من صفاتنا ولا ينفع نقولها حتي لو ع إبليس
بيكمل يهوذا ويوضح نهاية كل شرير وفاسد .
.وكمان بيفكرنا بتعاليم السيد المسيح
اللي هي بمثابة وديعه أخدناها منه والمفروض أننا نتحلي بيها
بينهي يهوذا رسالته بالطريقة اللي المفروض نحفظ بيها نفسنا م شرور العالم
"وَأَمَّا أَنْتُمْ أَيُّهَا الأَحِبَّاءُ فَابْنُوا أَنْفُسَكُمْ عَلَى إِيمَانِكُمُ الأَقْدَسِ،
مُصَلِّينَ فِي الرُّوحِ الْقُدُسِ، وَاحْفَظُوا أَنْفُسَكُمْ فِي مَحَبَّةِ اللهِ،
مُنْتَظِرِينَ رَحْمَةَ رَبِّنَا يَسُوعَ الْمَسِيحِ.(يه 1 : 21,20)
وكأنه بيأكد ع أن خلاصنا الوحيد هو إيماننا بالسيد المسيح والتمسك بتعاليمه
وأننا هياكل الله وروحه ساكنة فينا
"وَارْحَمُوا الْبَعْضَ مُمَيِّزِينَ،" (يه 1: 22) لازم ناخد بالنا
ونميز ما بين الأشخاص اللي بنرحمهم و طريقهم هيودينا ع فين ..لربنا ولا بعيد عنه

"وَالْقَادِرُ أَنْ يَحْفَظَكُمْ غَيْرَ عَاثِرِينَ، وَيُوقِفَكُمْ أَمَامَ مَجْدِهِ بِلاَ عَيْبٍ فِي الابْتِهَاجِ،" (يه 1: 24)
وفي النهاية بيختم يهوذا بالتأكيد ع إن السيد المسيح وتعاليمه
كافيين انهم يحفظونا من الشر والعثرة وإننا نكون معاه ف النهاية ف مجد وفرح