ابونا انهاردة في القداس كان بيقول للناس عايزكو تمشوا تبتسمو للمسلمين و تقوللهم رمضان كريم اوعو "تجرحو" حد بكلمة ولا تأذو حد بنظرة الناس في الشارع ملهمش ذنب و متسمحوش للكره يدخل قلوبكم و صلوا للي بيقتلو ان ربنا يديهم فرصة تانية عشان خلاص نفوسهم .
هو كان بيقول كدة و هو عارف ان مفيش كاميرا بتصور و لا طالع يقول كلمتين في لقاء تليفزيوني بس هيخلص قداس و يروح يقابل اخوانه في الجهاد عشان يشوفو هيفجرو انهي جامع و ينتقموا!! محدش سأل نفسه لية في كل الاحداث اللي حصلت و اللي بتحصل مفيش ولا مرة مثلا المسيحيين من غيظهم راحوا حرقوا جامع ولا فجروا جامع حتي من باب الانتقام او الوجع علي اهاليهم اللي ماتو او حتي من مبدأ الطار خصوصآ في الصعيد مع ان الموضوع سهل يعني ؟؟ اللي دخل كنيسة و شاف و سمع تعليمها هو بس اللي هيفهم الناس دي جايبة الصبر دة منين و ساكتة لية.
واحد بيعلم الناس يصلو للي بيقتلهم من غير ذنب و شايف ان الكلمة ممكن تبقي جرح و أذي و واحد تاني بيعلم الناس تمسك رشاش في دماغ اطفال و تفجرها عشان هو قرر يحكم الكوكب و يديهم لقب كفرة و لسة في ناس عايشة معانا علي الارض و في بلادنا و ممكن اوي تلاقي منهم صاحبك ولا جارك لسة شايفين ان اللي قتلوا دول ليهم الجنة و ان الاطفال اللي ماتوا دول داخلين جهنم، حتي لو قلنا ان في خلل بيحصل
لبعض الناس في عقولهم طيب بالنسبة لقلوبهم.. ايه
