مش مجرد ذبيحة

[walaa farouk]

زمان في العهد القديم كان لازم الشعب يقدم ذبيحه تشيل خطيته و تخلي الملاك المهلك يعدي لانه شاف "الدم" لكن حصلت حاجه غيرت التاريخ و كسرت التقليد #مش_مجرد_ذبيحة
ورا كل صورة قصة مهمة لازم تعرفها..



ابتدى الموضوع من ايام آدم وحواء من ساعة ما عصوا الله واكلوا من الشجرة وكانت نتيجة العصيان الطرد من الجنة وقبل ما يطردهم عملهم قمصان من جلد وبعدها قدم هابيل ذبيحة لله ودى كانت اول ذبيحة فى العهد القديم



وبعد فترة كبيرة الله حب يمتحن ايمان ابراهيم علشان يعرف اد ايه ابراهيم بيثق فيه وبيحبه لكن علشان ابراهيم هو إللى يعرف قيمة إيمانه فى الله وطلب منه يقدم ابنه اسحق ذبيحة وفى اللحظة الحاسمة تدخل الله وانقذ ابراهيم وابنه ولا قى كبش مربوط عند الشجرة أخده وقدمة ذبيحة لله



وبعد حادثة ابراهيم حصلت حاجه مهمة غيرت مجرى التاريخ وهى الفصح او العبور مفيش ذبيحة فى العهد القديم كله تشبه ذبيحة الفصح دى لانها أول ذبيحة طلبها الله من موسى علشان يحامى عن شعبه من العقاب إللى هيجى على أرض المصريين وأمره أن كل بيت يذبح خروف ويرش الدم على العتبة العليا للأبواب والقائمتين ولما يجى وقت الملاك المهلك ويعدى على البيوت إللى هيشوف علامة الدم عليها كل إللى فيها يعيش واللى مش هيلاقى الدم مرشوش على بيته هيموت وكان طريقة نجاتهم الوحيدة هى علامة الدم وعلشان كده اسمه العبور مش بس علشان شعب إسرائيل خرج من مصر لكن الأهم من كده أنهم عبروا من الهلاك للحياة عن طريق الحماية فى دم الخروف


وبعد كده الله أعطى لموسى الوصايا وكان فيها وصف دقيق للذبائح إللى المفروض الشعب يقدمها علشان يكفى عن خطاياه زى ما مكتوب فى سفر اللاويين كان لازم اليهودى يجيب حيوان ويحط ايده على رأس الحيوان علشان يعلن أن كل الخطايا عملها اتنقلت للحيوان ده وهو إللى هياخد العقاب مكانه وبعد ما يدبحوه الدم بتاعة يحطوه على المطبخ وبكده الله بيغفر كل خطاياه



ببساطة لأنه الدم بيساوى حياة ودى حقيقة أعلنها الله فى الكتاب المقدس (لان نفس الجسد هى فى الدم فأنا اعطيتكم اياه على المذبح للتكفير عن نفوسكم لان الدم يكفر عن النفس) لاو ويين 11:17 والفعل يكفر فى أصله اللغوى يعنى يغطى والحقيقة ديه كان فاهمها يهوذا لما اسلم الرب يسوع ولما قال قد أخطأت اذا أسلمت دما بريئا واليهود كانوا بيقدروا فكرة الدم والذبيحة لانه بيحمل الحياة إللى خلقها الله ومن ناحية تانية إشارة إلى دم الحمل المذبوح الرب يسوع إللى شهد عنه يوحنا وقال (هوذا حمل الله الذى يرفع خطية العالم )(يوحنا 29:1)



وزى ما الشعب زمان كان بيختار أنه يقدم لله الذبيحة بلا عيب المسيح اختار ان يقدم نفسة ذبيحة بلا عيب ولا خطية علشان يكفر عن خطايانا ويحقق عدل الله فى عقاب الإنسان على خطاياه وتعدياته وبالايمان بيسوع وبدمه إللى سال على الصليب لغفران خطايانا مش محتاجين نقدم ذبائح حيوانية زى العهد القديم لأنه مكتوب وليس بدم تيوس وعجول بل بدم نفسه دخل مرة واحدة إلى الاقداس فوجد فداء ابديا ولأن فصحنا أيضا المسيح قد ذبح لاجلنا وزى ما دم خروف الفصح
فى ايام موسى قدر ينجى الشعب زمان هوذا الآن أعظم دم الرب يسوع

[Rena Jesus]

ربنا يبارك تعب محبتك

[sama smsma]

ربنا يبارك خدمتك

[ميرو]

مشاركه جميله جدا

[walaa farouk]

رينا
سما
ميرو
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَميز
ربنا يبارك خدمتك