منتدى الفرح المسيحى - مش مجرد ذبيحة

زمان في العهد القديم كان لازم الشعب يقدم ذبيحه تشيل خطيته و تخلي الملاك المهلك يعدي لانه شاف "الدم" لكن حصلت حاجه غيرت التاريخ و كسرت التقليد #مش_مجرد_ذبيحة
ورا كل صورة قصة مهمة لازم تعرفها..

https://upload.chjoy.com/uploads/1473701900181.jpg

ابتدى الموضوع من ايام آدم وحواء من ساعة ما عصوا الله واكلوا من الشجرة وكانت نتيجة العصيان الطرد من الجنة وقبل ما يطردهم عملهم قمصان من جلد وبعدها قدم هابيل ذبيحة لله ودى كانت اول ذبيحة فى العهد القديم

https://upload.chjoy.com/uploads/1473702335071.jpg

وبعد فترة كبيرة الله حب يمتحن ايمان ابراهيم علشان يعرف اد ايه ابراهيم بيثق فيه وبيحبه لكن علشان ابراهيم هو إللى يعرف قيمة إيمانه فى الله وطلب منه يقدم ابنه اسحق ذبيحة وفى اللحظة الحاسمة تدخل الله وانقذ ابراهيم وابنه ولا قى كبش مربوط عند الشجرة أخده وقدمة ذبيحة لله

https://upload.chjoy.com/uploads/147370298191.jpg

وبعد حادثة ابراهيم حصلت حاجه مهمة غيرت مجرى التاريخ وهى الفصح او العبور مفيش ذبيحة فى العهد القديم كله تشبه ذبيحة الفصح دى لانها أول ذبيحة طلبها الله من موسى علشان يحامى عن شعبه من العقاب إللى هيجى على أرض المصريين وأمره أن كل بيت يذبح خروف ويرش الدم على العتبة العليا للأبواب والقائمتين ولما يجى وقت الملاك المهلك ويعدى على البيوت إللى هيشوف علامة الدم عليها كل إللى فيها يعيش واللى مش هيلاقى الدم مرشوش على بيته هيموت وكان طريقة نجاتهم الوحيدة هى علامة الدم وعلشان كده اسمه العبور مش بس علشان شعب إسرائيل خرج من مصر لكن الأهم من كده أنهم عبروا من الهلاك للحياة عن طريق الحماية فى دم الخروف

https://upload.chjoy.com/uploads/1473704035971.jpg
وبعد كده الله أعطى لموسى الوصايا وكان فيها وصف دقيق للذبائح إللى المفروض الشعب يقدمها علشان يكفى عن خطاياه زى ما مكتوب فى سفر اللاويين كان لازم اليهودى يجيب حيوان ويحط ايده على رأس الحيوان علشان يعلن أن كل الخطايا عملها اتنقلت للحيوان ده وهو إللى هياخد العقاب مكانه وبعد ما يدبحوه الدم بتاعة يحطوه على المطبخ وبكده الله بيغفر كل خطاياه

https://upload.chjoy.com/uploads/1473704923581.jpg

ببساطة لأنه الدم بيساوى حياة ودى حقيقة أعلنها الله فى الكتاب المقدس (لان نفس الجسد هى فى الدم فأنا اعطيتكم اياه على المذبح للتكفير عن نفوسكم لان الدم يكفر عن النفس) لاو ويين 11:17 والفعل يكفر فى أصله اللغوى يعنى يغطى والحقيقة ديه كان فاهمها يهوذا لما اسلم الرب يسوع ولما قال قد أخطأت اذا أسلمت دما بريئا واليهود كانوا بيقدروا فكرة الدم والذبيحة لانه بيحمل الحياة إللى خلقها الله ومن ناحية تانية إشارة إلى دم الحمل المذبوح الرب يسوع إللى شهد عنه يوحنا وقال (هوذا حمل الله الذى يرفع خطية العالم )(يوحنا 29:1)

https://upload.chjoy.com/uploads/1473706232471.jpg

وزى ما الشعب زمان كان بيختار أنه يقدم لله الذبيحة بلا عيب المسيح اختار ان يقدم نفسة ذبيحة بلا عيب ولا خطية علشان يكفر عن خطايانا ويحقق عدل الله فى عقاب الإنسان على خطاياه وتعدياته وبالايمان بيسوع وبدمه إللى سال على الصليب لغفران خطايانا مش محتاجين نقدم ذبائح حيوانية زى العهد القديم لأنه مكتوب وليس بدم تيوس وعجول بل بدم نفسه دخل مرة واحدة إلى الاقداس فوجد فداء ابديا ولأن فصحنا أيضا المسيح قد ذبح لاجلنا وزى ما دم خروف الفصح
فى ايام موسى قدر ينجى الشعب زمان هوذا الآن أعظم دم الرب يسوع