| |
|
|
|
|
|
||||||
|
|
أدوات الموضوع | انواع عرض الموضوع |
|
#1
05 - 09 - 2021, 11:09 PM
|
||||
|
||||
 " يسوع هو خادم نفوسنا " الجملة دي قالهالي صديق إنجليزي من ١٢ سنة، ومنستهاش، لأني من وقتها عيني انفتحت على اللي بيعمله ربنا يسوع معايا كإنسان، في الوقت اللي كنت أظن فيه ان ضعفنا البشري بيفصلنا عنه، وأن الإنسان محتاج يكون قديس علشان يعرف يخاطبه ويقترب منه، لاحظت ان ربنا يسوع بيتعامل معايا بشكل عجيب! مختلف تماماً عن تصوراتي و قناعاتي الذاتية. فى الوقت اللي كنت اظنه يخاصمني! كان هو بيقتحم اوقات ظلمتي وألمي وضعفي وخطيتي، ويحتضني! في الوقت اللي كنت إختبئ منه في خجل وأنا مكسوف أقف قدامه أو ارفع ايدي نحوه كان هو يدور عليا ويطيب خاطري مكنتش افهم هو ليه بيعمل كده، لحد ما ابتديت الاحظ ان الخطية مرض، أخطر أعراضه انه بيخلينا نفقد الرجاء في خلاصنا لتصورنا الكاذب ان محبة الله تستنزف، وأن تكرار السقوط معناه ان محبة ربنا لينا رصيدها بيقل ويتحول لغضب ورفض، فنختبئ منه ونهرب منه وفي عز الوقت ده اللي بنغلقه على نفسنا في شعور بالمرارة والأسي ييجي ربنا يسوع، ويقتحم العزلة اللي الشيطان خلانا نختبئ فيها، ييجي هو ويسأل: آدم آدم، أين أنت! تقوله انا عريان يارب! عريان فأختبيت منك! يقولك عريان ليه؟ تعالي أكسيك! ويخلع الذبيح ثياب بره المصبوغة بدماء حبه ويغطيك! والمرة دي مش هيقولك اخرج يا آدم من الجنة لحد ما اتمم خلاصك وأردك. لأنه تممه بالفعل، وصنع لك رداء مش من جلد لكن هو نفسه صار رداء برك! لأننا بنلبس المسيح، ونتقدم للآب مستترين فيه. فنلاقي حضن الآب مفتوح. مين اللي بيقدمنا للآب إلا الابن! اللي اشترانا بدمه، اللي اخد لحمنا ودمنا وشاركنا فيهم وشاركنا في طبيعته الجديدة واعطانا أعظم عطية في الزمن واللازمن عطية الروح القدس، فملناش حجة ولا يتملك علينا اليأس ولا تسود علينا الخطية ولازم نطمن جداً لأنه هو الرب، خلاصنا، يا هنانا! ربنا يسوع، هو خادم نفوسنا! 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| انعشي نفوسنا بحب يسوع فادينا | Mary Naeem | صور السيدة العذراء مريم | 0 | 22 - 08 - 2024 01:30 PM |
| أتريد أن أعرفك بأسماء الأشجار التي في داخل نفوسنا | Mary Naeem | أقوال الأباء وكلمة منفعة | 0 | 01 - 05 - 2024 05:37 PM |
| الأَحاديث التي تدور داخل نفوسنا بلا إِجابةٍ، متعبة | walaa farouk | موسوعة توبيكات مميزة | 0 | 24 - 11 - 2023 09:16 PM |
| يتعظم يشوع باستلامه القيادة رمزًا للاستلام يشوع الحقيقي قيادة نفوسنا | Mary Naeem | شخصيات الكتاب المقدس | 0 | 10 - 01 - 2023 05:54 PM |
| لنقبل يسوع في نفوسنا! | Mary Naeem | قسم الرب يسوع المسيح الراعى الصالح | 2 | 22 - 12 - 2015 01:15 PM |
العرض الشجري