زوّادة اليوم: تسلّحوا بالرّب

[souad jaalouk]

زوّادة اليوم: تسلّحوا بالرّب
بيقلنا الرب يسوع: "ان ابغضكم العالم فتذكّروا انّه ابغضني قبل ان يبغضكم"
ما حدا بيحبني، بيفضلو غيري عليّي، انا مش مرغوب فيّي...كل شكل من اشكال الرفض معقول حدا يتعرّضلو ما لازم يزعّلنا لأنّو يسوع انرفض قبلنا.
اي اضطهاد منتعرّضلو لازم نقدر نتعامل معو لأنّو ربنا قبلنا وصل اضطهادن إلو للصلب!
اذا انظلمتو مع انكن بريئين ما تستسلمو، يسوع انظلم قبلنا و انضرب و اندق مسامير بإيديه و تحاكم مع اللصوص و كل ذنبو كان انّو حَب الناس بصدق!
اذا حدا خانكن ما تزعلو يسوع كمان تلميذو خانو!
اهم شي ما تحقدو و سامحو متل ما المسيح غفر للي ضربوه و اذيوه!
هوّي ما وقف عند الموت، انتصر عليه و قام باليوم التالت و نحنا عم نموت بالنهار ميّة مرّة بس كلنا مدعوّين تا نتسلّح بالرب و نقوم نحنا كمان! هيدي هيّي رسالة المسيحي عهالأرض! الله معكن