انا بقف مذهول قدام شخصية يوناثان ابن شاول الملك .. الشخص اللى داب عشق فى حب داود .. حب كده نادر مايتصدقش بسهولة فى أيامنا ديه .. اتكتب عنه " لانه احبه محبة نفسه " وكمان " لان نفس يوناثان تعلقت بنفس داود "
واحد زى ( يوناثان ) هو عارف ومتأكد ان ( داود ) بينافسه على الحكم بعد أبوه لكن تلاقيه بيقوله ياداود انت اللى هاتكون الملك مش انا .. مع ان يوناثان الوريث الشرعى وده حقه .. غريبة انه كان مستعد يفديه بنفسه ويستحمل غضب ابوه عليه لدرجة فى مرة كان فعلا هايتقتل بسبب دفاعه عن داود .. وينقذ داود من القتل اكتر من مرة .. ويحذره من أى خطر ويدور له على اماكن للهروب من غضب شاول ابوه .. والعجيب ان ماتذكرش عن داود موقف واحد مع يوناثان يستاهل عليه الحب الفظيع ده .. يبقى إزاى كده !!!
أقدر أقول ان مافيش مشاعر حب بين شخصين فى الكتاب كانت أقوى من مشاعر حب يوناثان لداود .. كانت أفعال قبل ماتكون بالكلام .. واحد حب من كل قلبه للدرجة اللى فيها نسى نفسه ♥
كم انت عظيم ♥ .. وحبك عظيم يا يوناثان ♥
21 - 05 - 2017, 07:15 AM
العرض الشجري