عيد الرسل ...عيد التغيير

[walaa farouk]

المسيح اتقابل مع سمعان .
سمعان دا كان متسرع ...مندفع ...متقلب.
..وطباعه غريبة ...وصعب التعامل معاه
ووسط كل الحاجات دي ...ووسط ما الكل شايفه كدة ..
المسيح شافه بطريقة تاني و قاله انت بطرس (صخرة)
...انت هتصمد وتتظبط وتبقي عظيم .

والمسيح راح لشاول .
شاول دا كان قتال قتلة ... جبار ... قلبه ميت .
.. المهم عنده انه يذبح ويحبس ويقتل ....
هدفه صعب وتفكيره رهيييب.
ووسط كل الافكار دي ...ووسط ما الكل شايفه كدة .
المسيح شافه بطريقة تاني و قاله انت بولس ..انت حبيبي ...اناء مختار .

انا بحب عيد الرسل جدا بكل تفاصيله لأن عيد الرسل هو عيد الرجاء .

الناس شايفني بطريقتهم ...بس يسوع حبيبي شايفني بعيون تاني.
"وَيَدْعُو الأَشْيَاءَ غَيْرَ الْمَوْجُودَةِ كَأَنَّهَا مَوْجُودَةٌ. " رو٤
هو شايف مميزات فيا ..حتي لو مش ظاهرة دلوقتي هعرفها بعدين .....
عندي رجاء انه ساندني ... زي ما سند اللي قبلي .
هو شاف في داؤد الضعيف انه ملك .
شاف اسرائيل في يعقوب اللئيم.
وبولس في شاول .
وبطرس في سمعان .

عيد الرسل ...عيد التغيير ...
عيد بيقولك انه بيحبك بصفتك وطريقتك...

واطمن هيشتغل بيك .

#عيد_الرسل
#بطرس_بولس