زوّادة اليوم: البطريرك مار نصرالله بطرس صفير...

[souad jaalouk]

زوّادة اليوم:
البطريرك مار نصرالله بطرس صفير...
يمكن تركتنا بالجسد، يمكن بطّلت بيناتنا بس روحك و كل شي علّمتنا ياه باقي بكل واحد فينا و رح تبقى عاطول لأننا رح ننقل هالمبادئ لولادنا و هنّي لولادُن...اليوم نحنا و عم نصلّيلك منوعدك انّو شِعِلتَك ما رح تنطفي.
لإنسان ما بيتكرّر شو بدنا نقول؟ ما في كلمات بتعبّر عن هالخسارة الكبيرة...انت اللي و لا مرّة خفت ولا مرّة تراجعت، انت اللي كنت عنيد بالحق و ناديت بصوت الحق بوجه الظلم و الباطل. كان عنّا بَي عالأرض و اليوم نحنا واثقين انّو صار عنا شفيع بالسما رح يضلّ سهران علينا من فوق.
يا رجل الإعتدال و التواضع و المحبّة ما رح نوَدْعَك، رح نقلّك بس رح نشتقلك تا كنّا رجعنا التيقنا...نحنا ولاد الرجا و الموت عنّا مَنُّو الّا بداية الحياة الحقيقيّة الأبديّة...منحبّك سيّدنا...الله معكن