| |
|
|
|
|
|
||||||
|
|
أدوات الموضوع | انواع عرض الموضوع |
|
#1
07 - 12 - 2017, 07:02 AM
|
||||
|
||||
 - دكتورة نفسية كانت بتقول لما دورنا علي الأشخاص الرئيسيين اللي ليهم تأثير كبير علي المرضي لقينا ان 80% منهم بيتأثروا جدا بصحابهم .. - بطل من أبطال تفجير ميناء إيلات صمم انه يسحب جثة صاحبه لمسافة 16 كيلو .. و لما سألوه ليه عملت كدة و اترددت قبل القرار دا ولا لا .. قالهم انه مترددش لحظة و انه عنده يتعب شوية اهون بكتير ما يشوف جثة صاحبه ف التليفزيون و الاسرائيليين بيفتخروا انهم قتلوه .. - في مقولة بتقول " صديقك الحقيقي هو الذي يقف أمامك ليحجب عن الناس رؤيتك ضعيف " - في فترة كدة كان عندي مشكلة و اكتئبت .. صاحبتي كانت بتيجي تشوفني كل يوم و تسمع مني نفس الكلام كل يوم لمدة سنة و نص او اكتر .. و عمرها ما قالتلي انها زهقت .. - حد بيحكيلي علي واحدة من صحابه قالي " مع اننا لسة عارفين بعض قريب بس احنا اصحاب .. دي قبل العملية بيوم فضلت معايا لحد اخر وقت و كانت عايزة تخرجني من مود الاكتئاب بأي طريقة " - بنت كتبت " لما صاحبتي ماتت فضلت اتعالج نفسيا اكتر من سنتين و لما خفيت فهمت ليه بابا كان دايما يقوللي متاخديش الناس علي محمل الأبدية .. علشان كلنا رايحين " - من كام سنة كان جنبي واحد بيعيط و بيدعي بصوت عالي بيقول " يارب اقسم المرض بيني و بينها يارب " .. بعد الصلاة قولتلو ربنا يشفيها يارب .. قالي دي ندي صاحبتي ابقي ادعيلها معايا .. - اعرف ولد حاول ينتحر بسبب زعله علي صاحبه المريض و ساعتها قال " مش قادر اشوفه بيتألم قدامي و اسكت .. مش قادر و عيط " .. الحقيقة يا جماعة ان كلمة صديق صعب جدا يكون ليها تعريف .. بس انت هتلاقيه شخص بتروحله لما الدنيا تضيق عليك جدا و تبقي عايز تعيط مش تتكلم .. هتلاقي نفسك بتدعيله ف كل صلاة .. بتحبه بعيوبه و مشاكله و قابله كدة زي ما هو عارف بيحب ايه و بيكره ايه و طموحه يوصل لإيه .. حافظ كلامه و رأيه ف كل حاجة .. عارف لما تحس انك مطمن انك لو مت او حصلك حاجة هيبقي في حد بيدعيلك و يفتكرك .. هيفضل يسندك من بعيد و الوقت مش هيخليه ينساك ولا يبطل يدعيلك .. حد واثق انه بيحبك و بيحترم قراراتك و بيساعدك تكون احسن .. بيسندك بأفعاله و لو مش قادر يعمل حاجة .. بيسندك بكلامه .. بوجوده معاك .. بيتمنالك تكون مبسوط و بيعملك حساب .. انت ف اولوياته مش بيكلمك لما يفضي .. حد بيقدرك و بيقدر علاقتكوا ببعض .. بيقدر وجودك 
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| تعريف كلمة أختك | Mary Naeem | شبابيات الفرح المسيحى | 10 | 22 - 02 - 2014 09:54 AM |
| تعريف كلمة أختك | sama smsma | قسم المواضيع العامة المتنوعة | 9 | 28 - 10 - 2013 05:33 PM |
| تعريف كلمة مسيحي | Ebn Barbara | قسم المواضيع المسيحية المتنوعة | 0 | 25 - 06 - 2012 11:13 AM |
| تعريف كلمة (( أختك )) | روشا الفرفوشه | النكت والفرفشة | 4 | 04 - 06 - 2012 08:33 PM |
| تعريف كلمة منتدى | شيرى2 | قسم المواضيع العامة المتنوعة | 3 | 24 - 05 - 2012 09:05 AM |
العرض الشجري