|
 |
 |
 |
|
رقم المشاركة : ( 1 )
06 - 07 - 2022, 10:03 PM
|
|||||||||||
|
|||||||||||
 عارف يعني أيه واحد أبرص في العهد القديم. يعني مش بس شخص نجس ومرفوض لكن كمان عايش لوحده ومطرود.😐 أقولك اللقطة الأصعب في الموضوع بعيد برة البلد منبوذ ، ولو بالصدفة قابل حد جاي عليه لازم يصرخ بأعلى حسه أبرص نجس عشان يحذر الشخص اللي جاي أنه يقرب منه ..😧 عايز أطلب منك توقف قراية للحظة وتغمض عينيك وتخيل نفسك في المشهد ده وحس مشاعر الشخص اللي في الموقف ده... 🫣 يااااه مشاعر من الاحتقار والمهانة والوجع بصورة لا تحتمل الحقيقة صعب جداً ده 🥺🥺 بُص يسوع بقى عمل معاه أيه في مرقس فَتَحَنَّنَ يَسُوعُ وَمَدَّ يَدَهُ {وَلَمَسَهُ} وَقَالَ لَهُ: «أُرِيدُ فَاطْهُرْ». وَلِلْوَقْتِ طَهُرَ بَرَصُهُ. المسيح هنا قرر بالرغم من كل التحديات أنه يلمس الأبرص. 🤝 رغم أن ممكن يشفيه بكلمة. والوحي على لسان مرقس البشير يتعمد يقول الكلمة دي عشان يأكد لينا اللي عمله يسوع عن عمد لواحد ممنوع حد يلمسه. 🤍 تخيل الراجل ده بقاله قد أيه محدش لمسه ومحدش طبطب عليه، ومحسش بحد جنبه! في الحقيقة هو كان يمكن محتاج اللمسة دي أكتر من الشفاء. ☺️ اللمسة اللي تقوله أنت مقبول! أنت محبوب! كل ده عشان قلب يسوع اللي رق وتحنن عليه وحس بكل اللي بيمر بيه الحقيقة صعب قوي الحياة من غير تشجيع صعب قوي الحياة من غير لمسات تشجع على الاستمرار والمثابرة. صديقي قرر النهاردة تشجع حد وتلمس حد لمسة تشجيع من القلب.🤍 ولو أنت شخصياً مش لاقي ده من حد يلمسك اللمسة دي ويشجعك مفيش غيره يسوع يقدر يلمسك لمسة تشجعك وتنقلك، لمسة تقولك: أنت مقبول! أنت محبوب! اتمسك النهاردة بلمسة يسوع ليك!☺️ #لمسة_التشجيع #لمسات_يسوع 
|
|
| قد تكون مهتم بالمواضيع التالية ايضاً |
| الموضوع |
| يظهر سلطان يسوع على المرض من خلال لمسات يسوع |
| يسوع لمسة شفاء ـ ـ لمسة حياة |
| لمسات يسوع المطمئنة |
| لمسات يسوع المنيرة |
| لمسة شفاء لمسة حياة تلمسني بإيدك ده أنت يسوع رب الحياة |
العرض الشجري