سلمنا فصرنا نحمل

[walaa farouk]

ببساطة .. ؛
ربنا لما حب يعمل معجزة مع لعازر ..
. مارحش شفاه من مرضه ..
دا راح اقامه من الموت بعد ما قال عنه الكتاب " انه كان قد أنتن .. !! "
ولما المسيح حب يختار تلاميذ ينشروا الايمان الحقيقى .
. اختار شوية صيادين جهلة عشان يتم قول الكتاب
" اختار جهلاء هذا العالم ليخزى بهم حكماء الارض .. !! "
وارجع ورا اكتر واكتر بالعهد القديم لما ربنا اختار داود ملك .
.. قال عنه الكتاب فالاول " اشقر مع حلاوة بالعينين .. "
، فكان لازم ينشف شوية .. 🙂
فمر بتجارب وضيقات وهروب من الموت على يد شاول
حتى ادعى فى مرة الجنون عشان يهرب من الموت !!
من الاخر .. سيب ربنا يظبط حياتك بطريقته
.. لما تحصل حاجات لا عالبال ولا عالخاطر ..
ابتسم وافتكر كويس أن كدة ايد ربنا بدأت تعمل صح فى حياتك ..
وردد قول الكتاب : " سلمنا .. فصرنا نحمل ... 🙂 "