|
 |
 |
 |
|
رقم المشاركة : ( 1 )
26 - 03 - 2013, 07:55 PM
|
|||||||||||
|
|||||||||||
|
ماما : ايه يا مشمشه مش تفتحي الباب يا حبيبتي
مشمشة : معلش يا ماما اصلي بشوف اللعب بتاعتي و مش لاقيه حد العب معاه ماما :ازيك يا لوزه و ازي ماما عامله ايه؟؟ لوزة :كويسه اوي يا طنط ماما حلوه .... هي مشمشمه هنا يا طنط ماما : اه يا لوزه ....خشي يالا العبي معاها علي ما اروح اعملكوا الحاجات الحلوه اللي بتحبوها...يا مشمشمه لوزه صاحبتك جت مشمشة : هيه هيه تعالي تعالي يا لوزه .. بصي انا مجهزه اللعب بتاعتي .... .. تعالي بقي بسرعه عشان نلعب مع بعض لوزة : مشمشه.. مشمشه انتي جايبه المصاصه دي منين ؟؟ شكلها حلو اوي.. هي دي بطعم ايه ؟ مشمشة : مممم دي احمريكا بطعم الفراوله ... تاخدي لحسه... لوزة : اه اه هاتي لحسه اما ادوقها كده مشمشة : ايه ده انتي خلصتيها....مش قلتي هتاخدي لحسه بس لوزة :معلش معلش ...خلاص بقي يالا نلعب بقي بالللعب دي يالا ..هو احنا مش هنلعب بقي و لا ايه مشمشة : هو انتي معاكي مصاصه تانيه يا لوزه لوزة :اه بابا اداني فلوس جبتها و انا جايه مشمشة : بس دي شكلها حلو ما تجيبي بقي ادوقها لوزة : لاء دي بتاعتي... يالا بقي نلعب... مشمشة : الله كده يا لوزه مش ان اديتك من مصاصتي وانتي كلتيها كلها ...هاتي بس لحسه صغيره و ارحعهالك علي طول لوزة : ( بحدة ) لاء ماليش دعوه دي بتاعتي انا انا اللي شارياها ماما : في ايه بتتخانقوا ليه يا ولاد مشمشة : لوزه مش راضيه تديني من المصاصه بتاعتها لوزة : دي بتاعتي يا طنط و انا هاكلها لوحدي ماما : عيب كده يا مشمشه يا حبيبتي ..ما تبصيش لحاجه في ايد غيرك..انا هابقي اجيبلك علبة مصاصات كبيره بس بقي..يالا العبي مع لوزه عشان انا بعملكوا حاجات حلوه لوزة : يالا بقي يا مشمشه تعالي نلعب بالمكعبات مع بعض....ماتزعليش يالا بقي مشمشة : خلاص بس هنعمل ايه ....تيجي نعمل صليب... لوزة : اه فكره حلوه و بعدين نحط الصليب فوق الكنيسه مشمشة : ايه ده انتي ختي المكعبات كلها يا لوزه هاتي بقي مش عارفه العب لوزة : مانا اصلي اعمل كنيسه كبيره و انتي هتعملي صليب صغير مشمشة : لاء يا لوزه انا عايزه العب ......ماليش دعوه ماما : في ايه تاني يا ولاد مشمشة : لوزه خدت المكعبات كلها ..و مش راضيه تلعبني و المكعبات دي بتاعتي بقي يا طنط انا هاعمل كنيسه كبيره و عايزه مكعبات كتير ماما : خلاص يا ولاد العبوا مع بعض معلش يا مشمشه شويه و نبقي نلعب مع بعض انا و انتي يالا بقي شوفوا انا جايبلكم ايه حلويات انا اللي عاملاها لوزة : بجد يا طنط ...طب خلاص خدي يا مشمشه تعالي نلعب مع بعض يالا نقعد خدي المكعبات اهيه مشمشة : لاء مش لاعبه معاك...انتي وحشه و طماعه لوزة : خلاص بقي ما تزليش اديني هاديكي المكعبات اهيه تعملي اللي انتي عايزاه انا احط مكعب ازرق هنا ... مشمشة : هاتي مكعب بقي كمان ...لسه انا هاعمل صليب كبير......يه ده انتي هتاكلي البسكوت كله لوزة : اه ماهو طنط جايبوهولي و انا مش سيبتلك المكعبات تلعبي بيها مشمشة : لاء مانا عايزه اكل انا كمان...هاتي بقي ... لوزة : لا ..... مشمشة : يا ماما لوزه طماعه كلت البسكوت و الحلويات اللي جايبهالنا كلها لوحدها ماما : معلش يا حبيبتي ماتزعليش يا مشمشه هي برده ضيفه عندنا و دي اختك و انا هاجيبلك حلويات تاني مشمشة : لا يا ماما انتي بتضحكي علي مش هاتجيبيلي حاجه ماما : كده يا مشمشضه هي ماما عمرها ضحكت عليكي مش انا اللي عامله الحاجات دي مشمشة : اه ياماما لوزة : بطني الحقوني يا ماما بطني وجعتني...أااااااااااه ماما : خلاص بقي ما تعيطيش يا مشمشه وانا هاعملك حلويات كتير بالليل.......ايه في ايه مالك يا لوزه بتصرخي ليه لوزة : بطني ياطني مش قادره وجعاني اوي ياربي اكيد من الاكل الكتير ... ماما : ينفع كده... لوزة : اعمل ايه مش قادره بقي ....... ماما : اه ياني اكيد عندك مغص نا هناديلك الدكتور جارنا الدكتور : في ايه يا ست ام مشمشه ماما : دي لوزه صاحبت مشمشه كالت حلويات وبطنها وجعاها الدكتور : مالك في ايه يا لوزه....ماتخافيش لوزة : بطني يا دكتور وجعاني اوي الدكتور : اه مفيش حاغجه مغص بسيط تاخدي الحقنه دي و تبقي عال لوزة : حقنه لاءا لاءا.......مش واخده حقن انا الدكتور : لازم يا لوزه و الا تعملي عمليه تمت 
|
|
| قد تكون مهتم بالمواضيع التالية ايضاً |
| الموضوع |
| ما هو الطمع؟ |
| الطمع |
| الطمع |
| اسكتش عن الطمع |
| اسكتش بنت العمدة(اسكتش لمدارس الاحد) |
العرض الشجري