بطلب منك هوشع لو كنت جومر و لو كنت هوشع اديني جومر

[walaa farouk]

مش شرط لما تطلب من ربنا شريك حياة يديلك يعقوب او رحيل.
ممكن يديلك جومر ، الزانيه، اللي مش مؤمنه بالحب
ولا مؤمنه بوجود الله، ولا مؤمنه أن ممكن حد يقبلها.
و لكن هوشع ظهر و حب جومر و اتجوزها علشان يحررها من العبودية
و هى بردة سابته و هربت و رجعت تاني للعبودية و رافضت تتغير
بس هوشع فِضل مستنى جومر سنين طويلة جدًا
و هو بيصلي ليها ولما رجعت متغيره و قلبها ممتلئ بحب هوشع
، هو تقبلها تاني.

فا ممكن تطلب يعقوب و يديلك جومر
، لأن هوشع كان محتاج جومر
مش رَحيل.
دائمًا هيديلك اللي محتاجة حتى لو مش عايزه.
و على فكرة هوشع كان رافض اختيار ربنا الأول
و ازاي يحب زانيه
لكن هو قاله حِبها زي ما أنا حبيتك يا هوشع.

فا بطلب منك هوشع لو كنت جومر، و لو كنت هوشع اديني جومر.