القديس "مقدونيوس الناسك السوري" آكل الشعير

[walaa farouk]

"قداسة مش دراسة❗"

مرة شافه واحد من القادة العسكريين في الجبال👀،
فسأل_قديسنا: "أنت بتعمل إيه هنا في الصحراء لوحدك🤔؟!"،
فرّد عليه قديسنا #بنفس_السؤال: "وأنت جيت تعمل إيه هنا؟"
، فقال له القائد: "جيت علشان #أصطاد🏹" . فقال له قديسنا📢:

"وأنا أيضاً هنا لأصطاد_اللَّه، فإني متشوق إلى امتلاكه✊🏼،
وأرغب في مشاهدته😍 ولا أتعب من معاطاتي هذا الصيد الجميل💪🏼❗"

⬅️ قديسنا كان سوري الأصل🇸🇾،
لقبوه "بآكل الشعير" لأنه قعد 40 سنة مش بياكل إلا الشعير المُبلل بالماء🌾
، و لقبوه كمان "بساكن الجُب"،
لأنه عاش في الجبال مالهوش وطن مُحدد لمدة *45 سنة*، لا خيمة و لا صومعة…

⬅️ لمَّا اعتلي "#فلاڤيانوس" بطريركية انطاكية، استدعاه بحجة ان فيه شكوي_ضده،
فنزل قديسنا و هو مش_فاهم في إيه🤔❗،
و أثناء خدمة الليتورجية،أمره يقرب من الهيكل، فقرب قديسنا و هو مش فاهم حاجة و إيه اللي بيحصل🙄،
فالبطريرك رسمه كاهن…
وفي نهاية الخدمة الليتورجية، واحد من الموجودين شرح_له إيه اللي حصل،
وانه بقي كاهن، فغضب، ووجه للكُل كلاماً_قاسياً😡،
و حاولوا اقناعة بأن #الشرطونية لا تُعاد، فماعجبهوش الحال و سابهم🏃🏻‍♂️،
و على هذا القدر كان قديسنا من "البساطة والتواضع والعفوية😇"

⬅️ لمَّا حصلت ثورة في إنطاكية و تحطمت تماثيل الملك
و أفراد عائلته; غضب الملك🤴🏼،
و بعت قائدين علشان ينفذوا حُكم إبادة للشعب🗡️،
فنزل قديسنا و قابلهم، و قال لهما يوصل للملك أنه إنسان من طبيعة_الناس اللي أهانوه
، و لازم يخلي غضبه #يتناسب مع طبيعته،
و مايتجاوزش في إنتقامه حدود الطبيعة
و يبيد صورة اللَّه (أي البشر)، و قال كمان📢:

"نستطيع بسهولة أن نعمل من جديد تماثيل من نحاس،
ولكنك أنت، ولو كنت ملكاً، لا_تقدر أن تعيد الحياة إلى الأجساد التي تكون قد أفنيتها،
ولا حتى أن تعيد إليها شعرة_واحدة"، فسمعاه بتوقير و بلغا الملك،
و هدأ بسبب حكمته😇

⛔ ٣ دروس مُستفادة: (إصطياد اللَّه، عدم إستعاضة الإنسان لأجل أشياء زائلة،
"الكهنوت" نعمة لا تُطلَّب و تحتاج قداسة أهم من دراسة)

القديس "مقدونيوس الناسك السوري" (420م)، بَركتُه فَلتَكُن معنا. آمين🙏🏼