منتدى الفرح المسيحى

منتدى الفرح المسيحى (https://www.chjoy.com/vb/index.php)
-   كلمة الله تتعامل مع مشاعرك (https://www.chjoy.com/vb/forumdisplay.php?f=45)
-   -   أنت تخصني (https://www.chjoy.com/vb/showthread.php?t=929917)

walaa farouk 18 - 01 - 2023 07:14 PM

أنت تخصني
 


https://upload.chjoy.com/uploads/167406932355771.jpg


من كام سنة كنت في خناقة كبيرة أوي مع مديري في الشغل😏
وهددني أنه هيرفدني...
المهم وأنا في قرايات التأملات اليومية من البرنامج
أللي كنت ماشي فيه كان في مزمور ١١٨ لقيت الآية دي
“الرَّبُّ لي فلا أخافُ
. ماذا يَصنَعُ بي الإنسانُ؟”
**أتبسطت جداً وقلت: "هليلويا." وكنت رايح بكل ثقة الشغل
وأنا رافع راسي ومنشكح أوي
أوووم أيه لقيتهم رافدني فعلاً 😂
أتوترت جداً واتضايقت وقلتله أزاي يا رب كدة مش أنت وعدتيني😠
عارفين بأمانة اليوم ده بليل نمت متنكد!

العجيب والغريب بقى الصبح تاني يوم
بفتح كتاب التأملات كان عبرانيين ١٣
ولقيت الأيه دي وسط الاصحاح “
حتَّى إنَّنا نَقولُ واثِقينَ: «الرَّبُّ مُعينٌ لي فلا أخافُ
. ماذا يَصنَعُ بي إنسانٌ؟».”


قلتله لا بقى أفهم🙃
أصلاً دي متاخرة يومين
انا خلاص أترفدت😅😅

وهنا كانت رسالة ربنا الواضحة والقوية جداً أللي عمري
ما هنساها من ساعتها. سمعت صوت جوايا واضح جداً وكان الحوار ده!
الصوت: أوعى أبداً تخاف
أنا: أزاي مخافش ده أنا أترفدت
الصوت: مهما عمل الانسان، وهيعمل متخفش
أنا: بقولك أنا أترفدت

الصوت: مهما عمل الإنسان هيعمل أيه في أللي يخصني أنت يا أبني
تخصني
أنا: أخصك
الصوت: أنا ليك وأنت ليا ومحدش يقدر يتحكم في اللي ليا.
.. أنت تخصني! مين يقدر يقرب لحاجة تخصني!

أنا: الرَّبُّ لي فلا أخافُ. ماذا يَصنَعُ بي الإنسانُ؟




الساعة الآن 11:07 AM

Powered by vBulletin® Copyright ©2000 - 2025