منتدى الفرح المسيحى - البابا وامتحان احياء ثانوية عامة.❤❤

البابا وامتحان احياء ثانوية عامة.❤❤

https://upload.chjoy.com/uploads/159256099848431.jpg

السنة اللي فاتت كنت ثانوية عامة كانت علاقتي للبابا كيرلس قوية جدا كان كل فترة يبعتلي صورته هدية كل ما اشوف حد يديني صورة للبابا كيرلس و كنت وانا بذاكر أقوله يالا يا بابا كيرلس اقعد ذاكر معايا بقا و لما ابقي في امتحان و ناسية إجابة سؤال أقوله انت مش مذاكره طب انا نسيته افتكره انت و كنت فعلا بفتكر
اللي حصل أن أنا ليلة امتحان الاحياء بتاعي تعبت طول الليل و اغمي عليا كنت غالبا تعبانة من الساعة ٧ بليل و مخلصتش مراجعة نص المنهج و امتحاني الصبح طول الليل تعب و نزلوني جري علي المستشفي و علقت محاليل و كدا و بقيت كويسة المهم روحت البيت تعبت اكتر و مش قادرة اقوم ولا اتنفس و خلاص قررت اني مش داخلة الامتحان عشان مش هينفع ادخل من غير نص المنهج فعلا قعدت اقول يا بابا كيرلس انا زعلانة منك و كنت زعلانة فعلا اوي بعدها بشوية بقيت كويسة جدا و نزلت الامتحان كنت مرعوبة بس دخلت لقيت نفسي مفيش سؤال مش عرفاه و حليت الامتحان كله و مشيت في نص الوقت و المادة دي كانت من أعلي درجاتي ⁦♥️⁩⁦♥️⁩⁦♥️⁩
البابا كيرلس صاحب جميل جدا اطلبوه يذاكر معاكوا الايام اللي فاضلة و قبل اي امتحان كنت بقول لبابا يسوع يارب انا طول السنة بحط في بذرة انت دورك انك تكبر الشجرة و توريني ثمرها
و كنت برضو بقول يارب خلي ايدك قبل ايدي عشان ايدك مش بتغلط ابدا ⁦♥️⁩⁦♥️⁩
و ربنا فرحتي باحلي مجموع بشافعة البابا كيرلس ⁦♥️⁩