منتدى الفرح المسيحى - عويس نزل باع الجاموسة

عويس نزل باع الجاموسة واشتري لاب توب
وكتب شات عايزعروسة عشان يتعرف ويحب
وامه زعلانة ومفروسة والبيت فيه حرب
في التراب ضيع فلوسه عبيط يستحق الضرب
عويس قعد على الفيس دلوقتى مين قده
من بعدالسهرة على الهويس العالم بقى عنده
لاعايزقطن ولادريس مبقاش جايب همه
لابيراعى بقرولاجواميس ولابيصبح على أمه
عويس نسى الغيط والفاس وليله بقى نهاره
لابيطع ولابيشوف الناس والكام قيراط بارو
وقفل على نفسه بالترباس واستلف من جاره
ولاعنده هدمه ولامداس واتقل مقداره
ياعويس ارجع لصوابك واشترى تاني جاموستك
وشوف عروسة تليق بمقامك قريبتك أوجارتك
وامسك الفاس وسوق محراثك واروى أرضك
امشى في البلد رافع راسك فارد طولك وعرضك
بقلم /باسم خلف