نفسي اجيلك
بس اقابلك بأنهي وش
نفسي احكيلك
ع الي في قلبي بس ازي
وانا بكدب واغش
نفسي اترمي جوه حضنك
نفسي احبك اكتر واضمك
بس ازاي وانا مكسوف منك
نفسي اعيش معاك جواك وفي قلبك
بس ازاي وانا ببعد عنك
بجرح واخون ومسمعلكش
حتي لبيتك مبروحلكش
جوايا حاجه بتقولي اروحلك
واقرب منك وابقي معاك
بس في حاجه بتشدني عنك
والاقي نفسي ببعد وانساك
توهت وبعدت عن دنيتي البريئه
الي كنت عايشها وياك
روحت وتوهت وعرفت ان الحقيقه
مش هرتاح غير وانا معاك
دموعي نشفت من الدموع
نفسي اتوب توبه ملهاش رجوع
بس انت قويني واسمع لدعايا
كمل معايا الطريق خليك معايا
ابعد عني الشرور او كل ضيق
شدني وقربني ليك بـأيديك
نور ليا قلبي الي الضلم من الخطايا
املاه بالمحبه ونقيه بالطهاره
انت الي هترشدني وتوجهني
ما انت اله النور انت المنقذ والمناره