منتدى الفرح المسيحى - برضه حبيبي حتي لو فضل اسمه بس

للبنات فقط
اقري ورأيك بعد كدا
بصراااحه

اتصلتي بحبيبك يوم الفرح الصبح وقالك مش هيتأخر عن معاد الفرح وقفل
بعدها نزل يجيب البدله من عند المكوجي
اتزحلق عالسلم ووقع
جت سليمه يدوب شوية جروح في جميع انحاء الجسم بس
رجع الشقه يغير هدومه
بيشغل المروحه وهو رايح يغير اتاري الفيشه مكهربه
اتكهرب شوية بس قدر يسيبها بس رجع لورا فجأه فاتكعبل في حاجه علي الارض وفقد توازنة واتخبط في إزاز التسريحه كسره
بس الحمدلله جت خفيفه
جرح بسيط في وشه بس
غير هدومه وحط لزقه للاصابات اللي عنده و نزل عادي جدا ولا كأن في حاجه
راح للمكوجي كان لسه شغال في البدله
زعق معاه(المكوجي كان مضايق اصلا)
مسكوا في بعض
النتيجه
اخد له كام قلم بس الحمدلله مسبوش اصابات ظاهره
البدله وسط الخناقه نسي المكوا واتحرقت
اتصل بسرعه بواحد صاحبه يجيب بدلته قاله تعالي خدها
اخد تاكسي(السواق بقا كان مبرشم وهو حرامي اصلا)
سرح في التاكسي جه عند البيت قاله "هنا يا اسطي اقف بسرعه"
دا ضرب فرامل والتانى لسه هينزل
لبست فيهم عربية من ورا
صاحبها نزل يتخانق مع السواق مسكوا في بعض
بس اتفقوا ان العريس غلطان
سواق التاكسي قلبه في الفلوس تمن التصليح
وقسم مع الراجل
العريس لسه هيعترض
غزو بمطوه وسابوه في الشارع ومشيوا
صاحبه نزل عالخناقه
شاف الدم
خده لفوق
‏(صاحبه دا بقا دكتور)
الحمدلله الجرح سطحي
فيش خطر غير لو اتلوث بس
ظبط نفسه او الباقي منها بعد دا كله ولبس بدلته و نزل هو وصاحبه ولا كأن في حاجه
وركبوا عربية صاحبه
ركنها قبل القاعه ولسه بيعدوا الشارع
عربية نقل جاية بسرعه
صاحبه وقف عالرصيف
دا جري بسرعه يعدي وعدي تمام
ووصل الرصيف
ولسه بيلف يشتم سواق النقل
جت زهرية من فوق علي راسه وقع عالارض(الزهرية دي بقا واحده بتحدفها علي جوزها فوق القاعه بكام دور تفاداها وقعت من البلكونة جت في العريس)
صاحبه جري علية والعروسه جت من جوا واخدوة المستشفي
النتيجه
‏-نضارته اتكسرت يعنى بقي اعمي تقريبا
‏-اشتباه ارتجاج في المخ
‏-جرح غائر في الجمجمة
‏.
‏.السؤال هنا بقا
ترضي تجوزية بعد الاصابات دي