منتدى الفرح المسيحى - هعيد كلامي عليك هل يستحيل على الرب شئ

https://upload.chjoy.com/uploads/17204202872361.jpg

الكتاب بيقول ، لما الرب زار ابراهيم عند الخيمه
قالوا فين مراتك ! قالوا جوه الخيمه
قالوا هعطيكم ابن ونسلكم هايملى المسكونه
ساره كانت واقفه ورا الباب وسمعت الكلام
لكن ضحكت جوه نفسها ضحكة سخريه

فَضَحِكَتْ سَارَةُ فِي بَاطِنِهَا قَائِلَةً:
«أَبَعْدَ فَنَائِي يَكُونُ لِي تَنَعُّمٌ، وَسَيِّدِي قَدْ شَاخَ؟»

مكنتش مصدقه الكلام
معقول بعد العمر اللي وصلتله انجب اطفال
وانا وجوزي بقينا عواجيز !

الكتاب بيقول في تكوين ١٨

فَقَالَ الرَّبُّ لإِبْرَاهِيمَ: «لِمَاذَا ضَحِكَتْ سَارَةُ
هَلْ يَسْتَحِيلُ عَلَى الرَّبِّ شَيْءٌ ؟

رغم انها ورا الباب ومش متشافه ، وضحكتها كانت في سرها ، الا ان ربنا عارف وفاحص وشايف
وقال هل يستحيل على الرب شئ !

في الحقيقه كتير بحس اني مقرر ابطل اصلي ،
ومش هعيد طلبات تعبت من كتر ماترجتها ومتحققتش

لكن الاية دي فيها تعزية حقيقيه
وكأن ربنا بيقولي
لماذا تيأس يا ابني ، هل يستحيل على الرب شئ !!
لماذا انت يائس ومحطم داخلياً ، انت فاكرني مش حاسس بيك
فاكر لما تضحك قدام الناس هاتعرف تضحك عليا !
مانا عارف انك متكسر ومتلصم ويائس ومحبط وجايب اخرك
وحاسس بيك وعارف انك خلاص مبقتش واثق في بكره

بس انا هعيد كلامي عليك
هل يستحيل على الرب شئ !!