|
 |
 |
 |
|
رقم المشاركة : ( 1 )
05 - 06 - 2017, 04:45 PM
|
|||||||||
|
|||||||||
|
وانا فخامسه فابتدائي كان معايا فالفصل بنت اسمها وسام..وسام ماكنتش شاطره خالص وكانت علي طول بتيجي متأخر..كان برضه مالهاش اي صحاب وعلي طول لواحدها..كانت دايما مكشره افتكر اني عمري ماشوفت ضحكتها..كانت دايما رابطه شعرها عاملاه ضفيره وشكله كان وحش رغم أن شعرها كان جميل.. كان فيه مستر بتاع انجليش كان دايما بيحب يطلع الناس اللي مجابتش درجات قدام الفصل كله..مش يضربهم عصايتين وخلاص..ابدا..كان بيطلعهم ويتريق عليهم ويضحك عليهم الفصل كله.. وسام كانت كل امتحان شهر بتطلع..والفصل بيضحك عليها.. وسام مش بس كانت كل شهر بتستنزف معنويا..كمان كانت بتلبس اي حاجه وحشه او اي تهمه غير معروف صاحبها.. لحد ما فمره واحده معانا فالفصل طلعت وسط الفصل والمدرس بيتريق عليها كالعاده..وقالته "حرام عليك يا مستر وسام بشوفها كل يوم فالمرواح قاعده لواحدها وبتعيط ! " المدرس ده ماسكتش..فضل يتريق برضه..ولما خلص وسام رجعت مكانها تاني.. لما الحصه خلصت البنت دي فضلت قاعده معاها..اتكلمت معاها وفضلت معاها فالفسحه وبقم صحاب..مكنتش بتشوف وسام غير ومعاها البنت دي.. وسام بقت بتضحك! وبقت بتيجي الطابور بدري وايدها ف ايد صاحبتها.. فحصه الرسم..المس طلبت مننا نرسم موضوع..بعد شويه المس طلبت تشوف رسوماتنا.. وسام رسمت اجمل رسمه شوفتها لدوقت..بس مكانتش فالموضوع اللي المس طلبتها ! وسام كانت راسمه جنينه فيها ورد..وكرسي كبير من بتاع الجناين ده..وبنتين قاعدين عليه واحده سايبه شعرها والتانيه عامله ضفيره..البنت اللي عامله ضفيره بتعيط والبنت التانيه حاطه ايد عليها والتانيه ماسكه دبدوب صغير ومقرباه من صاحبتها كانها بتلاعبها..!! المس قالتها " انتي شاطره اوي يا وسام انتي اللي راسماها ! "قالتها "انا رسمتها ودينا هي اللي لونتها" كل حصه رسم بقت وسام اللي بترسم ودينا بتلون..وسام كانت فعلا بترسم حلو اوي..ومع الوقت رسوماتها بقت اجمل ! فامتحان الانجليزي بتاع الشهر..وسام نقصت درجه واحده بس وطلعت الاولي ع الفصل ! طبعا المستر ماسبهاش برضه..فضل يقولها انتي غشيتي..انتي عملتي جمعيات مع مين..سلكتي نفسك ازاي..وكلام من ده..بس احنا كلنا..كل الفصل لقي نفسه لا اراديا كدا بيسقف جامد جدا لوسام ! وسام ساعتها ضحكت اوي وحضنت صاحبتها وباستها.. المستر طلع شوكولاتايه واداها لوسام عشان يصالحها..خدتها منه وبعد الحصه قسمتها مع صاحبتها.. وهي مروحه اليوم ده..فكت شعرها..وسرحته زي صاحبتها بالظبط..وخرجوا هما الاتنين من المدرسه وهما ايديهم فايدين بعض.. صاحبك اللي بجد بيكون صاحبك اللي بجد بيكون وليد محنه انت مريت بيها..بيبقي جنبك ومعاك وفضهرك ويتحدي الدنيا عشانك.. صاحبك اللي بجد..بيجبر كسرك لو الدنيا جت عليك وكسرتك. حدث بالفعل 
|
|
05 - 06 - 2017, 04:50 PM
|
رقم المشاركة : ( 2 ) | ||||
|
† Admin Woman †
|
رد: شجعوا صغار النفوس
صاحبك اللي بجد..بيجبر كسرك لو الدنيا جت عليك وكسرتك.
رووووووووووعة حببتي ربنا يفرح قلبك |
||||
|
|
|
05 - 06 - 2017, 05:46 PM
|
رقم المشاركة : ( 3 ) | ||||
|
..::| الإدارة العامة |::..
|
رد: شجعوا صغار النفوس
صاحبك اللي بجد بيكون صاحبك اللي بجد بيكون وليد محنه انت مريت بيها..بيبقي جنبك ومعاك وفضهرك ويتحدي الدنيا عشانك
جميلة جدا يا مورا |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| شجعوا صغار النفوس (1تس 5: 14) |
| شجعوا صغار النفوس |
| شجعوا صغار النفوس |
| شجعوا صغار النفوس ..... |
| شجعوا صغار النفوس |
العرض العادي
