|
 |
 |
 |
|
|
|
رقم المشاركة : ( 1 )
07 - 10 - 2016, 10:07 PM
|
|||||||||||
|
|||||||||||
|
على مدار حياتى كلها مشوفتش ولا فيلم اجنبى كان فيه البطل عايز يتجوز البطلة و سألها ان كانت بتعرف تطبخ او لا؟؟!!! جزئية الاكل و الطبيخ فى مصر تحديدا ليها عامل نفسى معقد جداا و هو كمان مش عامل نفسى هو كمان من الموروثات الى ليها ارتباط ضمنى ان البنت الى بتعرف تطبخ يبقى تصلح للجواز و هتبقى ست بيت تمام!! و ان البنت الى مبتعرفش تطبخ هتبقى فاشلة او من الاساس هى متصلحش للجواز طيب خلونى اقولكم على مصطلح معين كدة فى بلاد الغرب و نتعلمة مع بعض بصوا فيه مصطلح بره اسمة Plastic food يعنى ايه بقى الكلام ده ؟ يعنى محدش بيرجع كل يوم من برة يطبخ زى المصريين فا الاكل عندهم عبارة عن اكل جاهز خضار و رز و بروتين مغلف بيتباع فى الماركت و يا دوب تطلعة تحطة فى الميكرويف دقايق معينة و تاكل بعد كدة وجبة كاملة..فا ده مصطلح البلاستك فود او Plastic food فى مصر مينفعش موضوع ال Plastic food ده خالص.. لكذا سبب اولا انه مكلف ماديا جدااااا ثانيا : المصريين مش بيشوفوه انه صحى اصلا ثالثا : ان الراجل المصري يحب ياكل طازة و كمان ياكل نوعية معينة من الأكلات الى مش هينفع تتعمل فى وجبات مجمدة جاهزة للأكل علشان كدة كتير بنشوف فى الافلام العربى ان راجل يرجع من برة ملقاش مراتة طابخة اكل فا يزعق و يعلى صوتة : انت مطبختيش لييييييه يا هانم ؟؟!!! بره مفيش الكلام ده نهائى... يكفى ان الزوجة تعرف مبادئ المطبخ و الطبيخ فقط و بتتعلم مع الوقت الفكرة هنا بقى بتاخدنا لفكرة اكبر منها شوية و هى : هل فيه جوازات بتبوظ لمجرد ان الولد بيسأل البنت فى التعارف ان كانت بتعرف تطبخ او لا و البنت ببراءة بتقولو : لا بصراحة فا الولد يقفش لان كرشة اخد اشارة صريحة و مباشرة ان كرشة لن يتمتع بما لذ و طاب بعد الجواز و انه هيعانى من مجاعات و تدريبات طبيخ من الزوجة الى الزوج و لحد ما البنت تتعلم الطبيخ صح فا هيطلع عينة هو الخلاصة ايه بقى؟ لازم نحسن مفهومنا عن ان البنت الى مش بتعرف تطبخ هى بنت فاشلة و لا تتحمل مسؤلية الاجانب اغلبهم مش بيطبخوا و بيتحلموا مسؤلية اووى طبعا المهم هنا ان البنت تكون عايزة تتعلم ... انما لو البنت مش بتحب المطبخ و مش عايزة تتعلم فا افتكر بلاش ارتباط بيها احسن و ده حقيقى لان مينفعش تعيش فى بيت كل الاكل فيه Plastic food ومن ال Plastic food الى ال Plastic surgery( جراحة التجميل يعنى ) فا يا قلبى لا تحزن هتعيش مع واحدة بلاستك فى بلاستك و هتتعب اوى مينفعش نلغى جوازة مناسبة لمجرد ان البنت مش بتعرف تطبخ! كل حاجة بتيجى بالتعليم..لو هى حابة تتعلم هتبقى استاذة مطبخ علشان بتحبك و بتحب ولادك فى المستقبل و هتبقى نفسها تمتعكم اكلات متنوعة مع الوقت.. اعملى مينشن لخطيبك او معين فى حياتك بيشتكى انك مش بتعرفى تطبخى علشان يقتنع.. ومتخافيش.. هيقتنع هيقتنع 
|
|
08 - 10 - 2016, 03:49 AM
|
رقم المشاركة : ( 2 ) | ||||
|
..::| الاشراف العام |::..
|
رد: الجوازة المصري ... و الجوازة الاجنبى
ميرسى يا لولو
الجوازة المصري ... و الجوازة الاجنبى |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الجوازة الفاشلة |
| الجوازة المصري ... و الجوازة الاجنبى |
| مفاجأه في الجنازة |
| الجنازة السعيدة |
| الجنازة حارة |
العرض المتطور