08 - 06 - 2024, 04:41 AM
|
| |
..::| مشرفة |::..
|
|
|
|
|
|
زوادة اليوم
طريقتين لعيش الحياة
الله معكن،
بيقول أينشتاين: «في طريقتَين مش أكتر لعَيش الحياة، الأولى كأنّو كلّ شي بالحياة أعجوبة، والتاني كأنّو ولا شي بالحياة أعجوبة». يعني فينا نضَلّ ننِقّ على صحّتنا، وفينا نفرح إنّا عايشين بألف خير، فينا ننِقّ كل يوم الصبح إنّو رايحين على الشغل، وفينا نشكر الله إنّو عِنّا وظيفة وأجِر من خلالُن نعيش عيشة كريمة، فينا نقضّي العمر بكاء على أخطاء الماضي وفينا نعتبرها مدرسة نتعلّم منّها دروس لليوم وبكرا.
الزوّادة بتقلّي وبتقلّك
الأعجوبة ولا مَرّة بتبلّش من الخارج، على طول بدايتها من الداخل. لازم نحبّ حياتنا، هيّ هبة من الله لازم نعيشها بفرح وسعادة وهيك منكون علامة لمحبة الله، يعني أعجوبة يوميّة، والله معكن.
|
