لكل يوم زوّادة: ما في الا الصلا بتوقف بوجه الحرب : 27 / 2 / 2022 /

[souad jaalouk]

لكل يوم زوّادة: ما في الا الصلا بتوقف بوجه الحرب

بوقت الحرب العالميّة التانية، كان الطيران الأميركي عم يقصف ايطاليا ما قدرو يقصفو دير سان جيوفاني، لأنّن شافو راهب واقف قدّامن بالجَو فاتح ايديه تا يحمي المنطقة. بس خلصت الحرب اجو العسكر تا يشوفو شو صار بهالمدينة اللي ما قدرو يعملولها شي، قامو التقو ببادري بيو و صارو يصرخو هوّي اللي كان واقف قدّام الطيارات بالجو و يدلّو عليه و رجعو عا اميركا يخبرو اللي بيلتقو فيهن عن هالحدث العجيب! هيك الرب حمي هالمدينة و هالدير بشفاعة القدّيس بيو اللي متل كتير قدّيسين بلّشو عجايبو بحياتو و كمّلو بعد انتقالو من هالأرض! خَبّرنا هالقصّة تا نقول انّو ما في إلّا الصلا بتوقَف بوجه الحرب...يا رب رجّع السلام عا كل بلاد العالم و احمي الناس من الخطر و منخصّ بالذكر حرب روسيا و اوكرانيا...مِنّك يا رب منطلب!

[walaa farouk]

ميرسي علي زوادة اليوم
ربنا يفرح قلبك

[Mary Naeem]

آمين يا رب