السنة الجديدة مش بابا نويل اللي هاتحقق لك احلامك

walaa farouk · رقم المشاركة : ( 1 ) 12 - 12 - 2018, 02:47 PM

قبل نهاية كل سنة
بننقسم لفريقين
فريق بيشوف ان السنة الجديدة مجرد رقم ومفيش جديد
وفريق بيشوف ان السنة الجديدة هي بابا نويل المنتظر اللي هايجيله بكل الهدايا والاحلام اللي بيتمناها ..

الحقيقة ان الفريقين مش صح ..
السنة مش مجرد رقم ، لكن الكتاب بيورينا ان السما ليها توقيتات
وفي كل سنة الله بيعمل عمل معين .

وفي نفس الوقت السنة الجديدة مش بابا نويل اللي هاتحقق لك احلامك
.. لكن هايكون استكمال للرحلة بما فيها من الام وأفراح من صليب وقيامة .

هايشوف اكتر ان السنة مش رقم
اللي عينه مفتوحة وشايف عمل الله في حياته ،
وملاحظ مراحل نموه مع الله ومميز الله بيعمل ايه
.. وعمل الله مش هو المعجزات وتحقيق الاحلام
، دي نظرة سطحية عن عمل الله .. لكن عمل الله اوسع واشمل بكتير من كدة .
. الله بيشتغل جوة اناء كل شخص طلب انه يخضع ليه ويمشي مسيرة معاه
والمعجزات دي جزء من شغله في الاناء وليها وقتها لكن مش هي كل عمله .

قبل بداية السنة
خليك فاكر ..
ان السنة الجديدة مش بابا نويل اللي هاتحقق احلامك
وفي نفس الوقت هي سنة جديدة بمواعيد سماوية جديدة
هايختبرها كل شخص عينيه مفتوحة علي عمل الله في حياته .

Mary Naeem · 12 - 12 - 2018, 03:20 PM

ان السنة الجديدة مش بابا نويل اللي هاتحقق احلامك
وفي نفس الوقت هي سنة جديدة بمواعيد سماوية جديدة
هايختبرها كل شخص عينيه مفتوحة علي عمل الله في حياته

صح يا قمر
ربنا يباركك حببتي

walaa farouk · 13 - 12 - 2018, 07:35 PM

ميرسى على مرورك الغالى السنة الجديدة مش بابا نويل اللي هاتحقق لك احلامك

مورا مرمر · 17 - 12 - 2018, 09:14 PM

موضوعك جميل جدااا
شكرا للمشاركة

walaa farouk · 18 - 12 - 2018, 08:26 PM

ميرسى على مرورك الغالى السنة الجديدة مش بابا نويل اللي هاتحقق لك احلامك