من ظهورات ابوسيفين

[walaa farouk]

من ظهورات ابوسيفين...



* كانوا زارعين زيتون في الدير في كرير والراهبات كانو بيخللوه ويبعتوه للدير التاني اللي في مصر القديمة يحطوة في المعرض، فبعتولهم اللي في الدير التاني وقالولهم احنا هنبعتلكم عربيه نقل بعد يومين تكونو مجهزين الزيتون، فالراهبات المسؤلين عن المعرض بعتولهم هناك يطلبو منهم العدد اللي هما عايزينه وهما في عندهم مصنع بلاستيك بيجيبو منه البرطمانات
فالمهم الام المسؤلة هناك حاولت تلاقي حد يبعت للمصنع اللي بيجيبو منة البرطمنات ملقيتش
فقالت طب ياابوسيفين انا هعمل اية دلوقتي هتيجي العربيه هتمشي فاضيه تاني؟ اتصرف في الموضوع ده وابعتلنا حد، فبصت لقيت تاني يوم صاحب المصنع جية وجايب العدد اللي هما عاوزينه والحجم والشكل وكله. فاستغربت جدا فقالها مش ده الحجم وده الشكل والعدد مظبوط؟ قالتله طب اية اللي عرفك؟ قالها هو انا ابوسيفين نيمني الليله دي عشانكم؟ منيمنيش للصبح
قالتله لية حصل اية؟ قالها انا في الاول كنت بحلم حلم بحلم ان واحد بيقولي دا في واحد عايزك اهو ببص لقيت شاب لابس ابيض ووشة مضئ ومبتسم فقلتله نعم حضرتك عايزني في اية ؟ قام قاللي عايزك وهو ماسك البرطمان اللي انا جايبه ده وقال انا عايز العدد الفلاني من البرطمان ده لبيتي وتوصله انت لبيتي بسرعه عشان العربيه جايه وهما مستعجلين
فقاله طب مين حضرتك؟ وفين بيتك؟ قاله انا ابوسيفين وبيتي الدير في كرير قاله سلام الرب ليك ياابوسيفين من عنيا حاضر وفضل وهو بيقول كدة راح صحي لقي قدامه ابوسيفين فقاله استني استني متمشيش وفضل ينده علي المدام والاولاد عشان يجو ياخدو بركتة بص لقاه اختفي
قاله كدة بردو مش كنت تستني تبارك الاولاد والمدام وبعدين نام تاني، فشافه تاني قاله بقولك اية اوعي تتاخر توديه بدري عشان خلاص مش فاضل غير يوم ، قاله كدة مشيت دانا كنت عايزك تبارك الاولاد قاله انا جاي مخصوص عشانهم اندهلهم وانا هستني
بيندة راح صحي فتح لقي بردو ابوسيفين قدامه راح نده عليهم وابوسيفين رشم عليهم الصليب باركهم واختفي تاني.
الراجل فرح وانبسط ونام راح ابوسيفين جاله تالت صحاه تالت قاله بص انا جاي ااكد عليك اكتر قاله حاضر ياابوسيفين من عنيا راح قاله طب ماتقوم تصلي بقي تنام لية قوم صلي وروح ودي البرطمنات
فالراجل طبعا منامش وصلي والصبح بدري راح المصنع اخد العدد وراح الدير
الامهات اللي هناك طبعا اتأثروا جدا من محبه ربنا ومن ومحبه ابوسيفين ...