|
 |
 |
 |
|
رقم المشاركة : ( 1 )
03 - 11 - 2017, 06:22 AM
|
|||||||||||
|
|||||||||||
 - أنت هتيجى تطلبنى من بابا أمتى ؟؟ - بلاش.. - بلاش ليه إن شاء الله ؟؟ - لأن بإختصار هروح أشترى 2 كيلو شيكولاتة وأروح أقابل أبوكى وبعدها بكام يوم هاجى أنا وأبويا وأمى ونتقدم رسمى .. وبعدها بأسبوعين هنعمل خطوبة وهندفع فيها شوية فلوس حلوين .. وفى الخطوبة هنقعد نمثل على بعض وكل واحد عامل فيها اللطيف اللذيذ .. وهضطر أدخل فى كذا جمعية علشان فلوس الجهاز والفرح .. وسنتين هقضيهم عزومات عندكو فى البيت .. وكل مرة هاجى هتنضفو البيت وهتقعدى تزعقى فى أخواتك .. هنتجوز وفرحنا هيبدأ بطلى بالأبيض وهينتهى بأغنية اللى كانت فى فيلم (سهر الليالى) مرورًا بتشكيلة من الأغانى الشعبى وهيطلع ميتينى فى الرقص وتوجيب أصحابى معايا .. هنطلع نقعد أسبوع فى أي بلد فيها بحر وأول ما نرجع قرايبك وقرايبى هيقرفونا زيارات ... بعد شوية تبدأى تحسى إن الحمل أتأخر .. نطلع على دكتور أيا كان أسمه .. شوية وسعادتك هتبقى حامل .. وهتولدى قيصرى علشان الولد جاي بالجنب .. هنسميه على أسم أبويا وهندخله مدرسة لغات .. هنكتشف إن احنا مش قد المصاريف والواد غبى أصلا مبيفهمش هننقله لمدرسة جمبنا .. المصاريف بتكتر والواد هيطلع عنده تبول لا ارادى وهيطلع عنينا لف ع المستشفيات .. وأنتى هتبقى عصبية بزيادة .. وأنا هسيبلكو البيت وأخرج .. وشوية شوية هسهر برة كل يوم .. ورجلى هتاخدنى لبار فى وسط البلد .. هتعرف هناك على واحد أسمه (سمير) بس شهرته (سايتو) .. شوية شوية هيشدنى للقمار والمخدرات والنسوان .. هخاف الأول من المخدرات بس هخش فيها وهبدأ بالفودو ومش هنتهى عنده .. وشوية شوية هزود الجرعة .. وأي حاجة قدامى هبلعها .. وهدخل البيت كالعادة الساعة 4 على طراطيف صوابعى .. وهدخل أوضتى بعد ما بقيت أنام لوحدى وأنتِ لوحدك .. هدخل الأوضة وهضرب حاجة جديدة (سايتو) أديهالى .. الحاجة دى هتخلينى أحس إن قتلكم حاجة حلوة .. وأنى كده بخلصكم من العالم الظالم وبرحمكم من المآسى .. هدبحكم بالسكينة أنتى والواد أبنى اللى هيصحى ع الصوت بعد ما يعملها على نفسه كالعادة .. يمين وشمال مفيش حتة فيكو سليمة وهقعد ألعب بدماغكم بولينج على أطرافكم .. وبعدين هدبح نفسى وأقعد أحضن فيكو والدم عمال بيخر منى .. وأقعد أعوم كده فى الدم .. وبعدين الخبر هينزل فى جريدة (فيتو) وهيكتبه واحد أسمه عبد اللطيف .. عبد اللطيف مريض نفسى أصلًا بس هو مش عارف .. وهيكتب بدل أسماؤنا الحروف الأولية .. متخيلة نهايتنا هتبقى حروف أولية.. - (صمت للحظات) أيوه بس أنا مفهمتش برضه أنت هتيجى تقابل بابا أمتى ؟؟ 
|
|
03 - 11 - 2017, 07:26 AM
|
رقم المشاركة : ( 2 ) | ||||
|
..::| الإدارة العامة |::..
|
رد: أنت هتيجى تطلبنى من بابا أمتى ؟؟
هههههههههههه ده فيلم خيال علمى
ميرسي يا رينا على مشاركتك الجميلة |
||||
|
|
|
03 - 11 - 2017, 12:09 PM
|
رقم المشاركة : ( 3 ) | ||||
|
† Admin Woman †
|
رد: أنت هتيجى تطلبنى من بابا أمتى ؟؟
- (صمت للحظات) أيوه بس أنا مفهمتش برضه أنت هتيجى تقابل بابا أمتى ؟؟
|
||||
|
|
|
04 - 11 - 2017, 02:59 PM
|
رقم المشاركة : ( 4 ) | ||||
|
..::| الاشراف العام |::..
|
رد: أنت هتيجى تطلبنى من بابا أمتى ؟؟
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الأيادي ألتي تساعد أقدس من ألشفاه ألتي تصلي |
| تطلبني فلا اكون |
| لما تطلبني من كل قلبك |
| لما تطلبني من كل قلبك هتلاقيني معاك |
| لما تطلبني هتلاقيني جنبك |
العرض العادي
