لانه المتحكم والقادر وليه كل السلطان

[walaa farouk]

بعد ١٥ سنة محاولات وعلاج علشان أكون حامل، علشان أكون أم..
دكتور من أشطر الأطباء يقولي وبكل وضوح إن مافيش أمل
وإن حالتي الطب ماوصلش لعلاج فيها!! صدمتي الكبيرة مكانتش في كلام الدكتور
على أد ما هي هزت ثقتي في ربنا، دا صليت كتير أوي أوي للموضوع دا،
واتضايقت وزعلت جدًا ..
لكن في وقت سمعت الأية اللي بتقول
هكَذَا يَقُولُ الرَّبُّ فَادِيكَ وَجَابِلُكَ مِنَ الْبَطْنِ:
«أَنَا الرَّبُّ صَانِعٌ كُلَّ شَيْءٍ، نَاشِرٌ السَّمَاوَاتِ وَحْدِي، بَاسِطٌ الأَرْضَ. مَنْ مَعِي؟"
ورغم ثقتي اللي اتهزت فيه وعدم ايماني الكامل أنه بيعمل الصالح مهما كان،
لكن الآية خليتني أتشجع من تاني ويزيد إيماني
مش علشان يديني طفل لكن علشان اثبت وأثق فيه،
لانه المتحكم والقادر وليه كل السلطان، الوضع ماتغيرش صحيح
لكن نظرتي ليه هي اللي اتبدلت.
عايزة أقوله شكرًا إنك بتتحملني في الوقت ده وبتصبر عليّ🙏