زوادة اليوم : واقف على الباب أقرع

[souad jaalouk]

زوادة اليوم : واقف على الباب اقرع

بإحدى وقفات الصلا للأديب مخايل نعيمة، سمعوه عَم بيقول: «يا رب بقيت تدِقّ عَ بابي حتى فتحتلّك، وكان بيتي بلا ترتيب، كلّو غبرة ومليان عنكبوت. وما رفضت تفوت ولا قلت شي يخجّلني، بس من ساعة اللي فتحتلّك الباب وفتِت عَ بيتي وأنا عَم نضّف ورتّب، والغريب إني ما عدت إذكر الوقت اللي كنت فيه لوحدي وكأنّك كل عمري كنت معي وبقلب حياتي، وعَم بتساعدني بالترتيب والتنظيم».
الزوّادة اليوم بتقلي وبتقلك
إنت اللي بعد ما فتحت الباب، مِستحي أو خايف تفتح؟ يسوع واقف ناطرني وناطرك، هوّي يلّي بيقول: «يلّي بيفتحلي بفوت لعندو أنا وبيّي هونيك بيكون إلنا مسكن»، وشوف بهاك اللحظة كيف بيصير التغيير بحياتي وبحياتك، والله معك.