لية بس يارب سايبنى ؟؟؟

[walaa farouk]

يروى ابونا بولس جورج هذه القصة الحقيقية من تاريخ الكنيسة
فى الحرب العالمية التانية عندما احتلت ايطاليا اثيوبيا سنة 1935م. واثيوبيا كانت تبع كرسى مارمرقس تبع بطرك الاسكندرية وكانت ساعتها اللى بيخدم فى اثيوبيا مطران مصرى قبطى وهو الانبا كيرلس فاول ما دخلو الايطاليين كنوع من السياسة لان مصر كانت تابعة للانجليز وايطاليا تابعة لالمانيا
اخدو المطران القبطى وقعدوة فى غرفة فوق سطح الكنيسة فى المطرانية اللى هو بناها وقفلوا الباب والشباك ودقوا علية بالمسامير اللواح خشب من الخارج علشان ميعرفش يفتحة ولان هناك فى اثيوبيا درجة الحرارة عالية والغرفة مقفولة شيش وزجاج ابتداء المطران الانبا كيرلس يصلى وعرقوا بداء ينزل وابتدا يدخل فى حالة من حالات الجفاف
تانى يوم كان مسطح على الارض
تالت يوم ولانة كان مطران صعيدى وبسيط كان فية صورة قديمة وبهتانة قدامة للسيد المسيح فكلمة وقالة دى موتة يموتها مطران غرقان فى عرقة ويدخلو يطلعونى معفن ومتحلل لية بس يارب سايبنى ؟؟؟
فجأة لقى المطران الصورة اللى كانت قديمة وبهتانة نورت قدامة وسمع صوت ربنا بيرد علية وبيقولة انا امتى سيبتك ؟؟؟
المطران بعد ما كان واقع وحزين وضعفان دبت فية الحيوية من جديد وقام وقف على حيلة وانتبة وبدا يصلى من تانى وبقى عنده استعداد لاى حاجة من اجل اسم المسيح
المهم بعد كدة علشان ربنا يسمح ان الناس تعرف الحكاية دى من المطران جة امر عسكرى سياسى للايطاليين انهم يطلعوا المطران وياكلوه ويشربوه ويركبوة مركب ويرجعوة على مصر