متى صنعت صدقة لا تعرف شمالك ما تفعله يمينك

[الصخره]

بصراحه الموضوع اللى عاوز اتكلم فيه موضوع مهم جدا جدا
عندنا خدام حلوين اوى
بيخدموا بيحبوا خدمتهم
بس بصراحه فى بعض الخدام بيعملوا حاجه مش صح انها تتعمل
انا ما اعرفش هيا بقصد او من غير قصد لكن المهم انها بتتعمل
ياريت نركز فيها اوى ونبعد عنها علشان يكون اجرها كامل
فى انجيل متى اصحاح 6 الكتاب بيقول
احترزوا من أن تصنعوا صدقتكم قدام الناس لكي ينظروكم، وإلا فليس لكم أجر عند أبيكم الذي في السماوات 2 فمتى صنعت صدقة فلا تصوت قدامك بالبوق، كما يفعل المراؤون في المجامع وفي الأزقة، لكي يمجدوا من الناس. الحق أقول لكم: إنهم قد استوفوا أجرهم
3 وأما أنت فمتى صنعت صدقة فلا تعرف شمالك ما تفعل يمينك

لاحظت فى الفترات الاخيرة خدام حلوين اوى بيخدموا المحتاجين ودى خدمه جميلة لكن فوجئت انهم بيتصوروا وهما بيوزعوا احتياجات الناس دى عليهم

كمان بيصوروا الناس المحتاجه دى وهى فرحانه انهم بياخدوا حاجات جديدة منهم

واللى بيتصور جنب البطاطين اللى بيوزعوها على المحتاجين

طيب هل احنا بنتفاخر بخدمتنا ولا عاوزين الناس تقولنا عليكوا

دا غير ان احنا مش عاملين حساب الطفله اللى حضرتك صورتها دى ونزلت صورتها ع الفيس بوك لما تكبر وتشوف صورتها هتعمل ايه

ببساطه كدا ممكن تكون الصورة دى اللى حضرتك ما اخدتش بالك وانت بتنزلها تبقى عثرة للطفله او الطفل دى وبسببها يلعن اليوم اللى اتولد فيه فقير



ارجوكم خدوا بالكم وانت بتخدموا وخلوا الاجر يكون ف السما اضعاف بدل ما يكون فى الارض

انا نزلت الموضوع دا هنا علشان الخدام وهما فى مرحلة الاعداد ياخدوا بالهم ومايعملوش الموضوع دا