متسمحيش لنفسك تكونى ’’ انثى تانيه ’’ فى حياه راجل

[Rena Jesus]

متسمحيش لنفسك تكونى ’’ انثى تانيه ’’ فى حياه راجل .
ومتسمحيش ابدا لنفسك تتحطى فى خانه ’’ الـ mistress ’’ لاى راجل .

( دا بيحبنى بس مستنى يطلق مراته علشان يتجوزنى )
صدقينى لو كان ’ راجل بما فيه الكفايه انه يحبك وهو على ذمته واحده تانيه ’ كان طلقها قبل ما يعترفلك بحبه .
ولو كان ’ راجل بما فيه الكفايه انك تأتمنيه على نفسك ’ يبقى كان حارب انه يصلح علاقته بالست الى بيترمى كل يوم فى حضنها وهو بيخونها معاكى .

( بيحبنى ومتفقين على كل حاجه بس مستنين الوقت المناسب علشان نقول للأهل وللناس )
وطالما ’ لسه مجاش الوقت المناسب ’ ولسه معندوش ’ الرجوله ’ الكافيه انه يعلن عن حبه ورغبته فى الارتباط يبقى السنين الى هيقضيها معاكى فى ( الضلمه ) لسه هينضج فيها
وبمجرد ما هينضج ( هيرتبط بالناضجه ) وهيسيبك .

كونك رضيتى انك تبقى ( انثى تانيه ) فى حياه راجل ,
دا مش معناه انك مش بس ضيعتى حقوقك
لأ كمان مبقاش ليكى اى منطق فى انك تطالبى باى ( احتياج ) من احتياجاتك .
وكونك رضيتى ترتبطى ( بشخص ) لسه مبقاش راجل بما فيه الكفايه انه ينجح علاقه عاطفيه ويعترف بيها قدام الناس ,
يبقى لسه معرفتيش يعنى ايه ’ راجل ’ ولا حتى يعنى ’ ايه انوثه ’ .

صدقينى , مبيدمرش غير الى بيوافقو انهم يتحولو ل mistress .
ومبيضيعش حق الا للى بيوافقو انهم يكونو ’ انثى تانيه ’ مركونه على الرف لما يزهق يروح يلعب معاها شويه ويشبع احتياجاته معاها مؤقتا لحد الدنيا ما تتظبط وبعدين يسيبها
واوعى تثقى فى راجل متجوز بيبداء كلامه ’’ متجوز بس منفصل ’ او ’ متجوز بس مش بحب مراتى ’’ او ’ مكمل علشان العيال مش اكتر ’’ او اى راجل بيشتكى من مراته حتى * الا لو كنتو اصدقاء وبيفضفض مثلا او بيطلب النصيحه .

لانه طالما مبقاش ’ راجل بما فيه الكفايه ’ انه يعافر انه ينجح علاقته بمراته او راجل لو العلاقه منجحتش انه ينفصل عنها بكل احترام وحفظ لحقوقها وحقوقه .
يبقى انتى كدا بكل بساطه اتحولتى ’’ انثى تانيه ’’
’’ انثى تانيه ’’ مش طبيعى ابدا تطالب بعلاقه صحيه .او حتى تشتكى

[Mary Naeem]

’’ انثى تانيه ’’ مش طبيعى ابدا تطالب بعلاقه صحيه .او حتى تشتكى
ربنا يفرح قلبك

[walaa farouk]

انثى تانيه ’’ مش طبيعى ابدا تطالب بعلاقه صحيه .او حتى تشتكى

ميرسى يا رينا على مشاركتك الجميلة

[Rena Jesus]

ميرسى لمروركم الغالى