|
 |
 |
 |
|
رقم المشاركة : ( 1 )
20 - 04 - 2017, 09:36 PM
|
|||||||||||
|
|||||||||||
|
أنا اتغيرت  انا اتجوزت و فاكر ان كل الستات زي بعض. و إن مراتى هتكون زي أمي. أمى ربتنى بعد وفاة أبويا و صرفت علينا و ربتنا و كبرتنا و عاشت حياتها كلها لينا . فأنا كنت فاكر ان مراتى نسخة من أمي. أنا كنت برجع البيت بعد الشغل و الكلية ألاقي الراحة و الدلع ... أمى بتأكلني و تحضر هدومي و تهدي البيت علشان أنام و تنفذلي كل طلباتي. و بعدين أنزل مع أصحابى و أرجع آكل و أنام علشان أصحى الصبح أروح الشغل تاني. كنت اتصل بيها أنا عازم أصحابى يا ماما.. أرجع ألاقيها مجهزة مالذ و طاب من الطعام و مبسوطة و سعيدة. كنت اقولها انا هسافر اتفسح مع اصحابى ...تديني الفلوس و تدعيلى ربنا يسعدك يا حبيبي. كنت ممكن أسهر للفجر مع أصحابي نلعب بلاي استيشن و أرجع محدش يقولى كنت فين؟ و رحت فين؟. و بعد ما اتجوزت و امي ساعدتنى في جوازي .. كنت فاكر ان مراتى هتكون زيها !.. وان حياتى مش هتتغير كتير عن حياتى السابقة. لقيت مراتى طول النهار منكدة و مكشرة في وشي مش عارف ليه؟! حتى اقنعت نفسى ان هى وشها كدة و ان كل الستات كدة طول النهار تطلب مني الاهتمام !! و أنا مش عارف يعنى عايزانى اهتم بيها ازاى؟! ..عايزة تحبسنى جنبها ؟ انا امى عمرها ماطلبت مني اهتمام! ارجع من القعدة الحلوة مع اصحابي الاقي الوش الخشب اروح اسافر اتفسح ألاقى عياط و صراخ و عويل. زهقت منها و حسيت برغبة فى انى أطلقها و أرجع اعيش مع أمى تانى وخاصة بعد ولادة ابننا الاول و حجتها انها دايما تعبانة و مرهقة و تهربها منى ومن العلاقة الخاصة بيننا. وبعد كدة كرهها لأمى و خناقاتها معاها دايما لاسباب تافهة نصحونى اصحابى انى استحمل لان كل الستات كدة نكديين و مش حاسين بالنعمة الى هم فيها واحد صحبى دخلنى على صفحة مشوره ... بصراحة ماكنتش مهتم وكنت حاسس ان أكيد كل الستات مش راضيين و نكديين لكن لقيت كلمه (قبل ما تطالب بالحب اسأل نفسك هل انت تحب ؟) حسستنى انى مش مرتاح مع مراتى و نفسى اسيبها ...مايمكن المشكلة فيا أنا عرفت من كلامك ان مراتى غير أمى .. و إنى لازم أعبر عن الحب لمراتى علشان احافظ على حبها ليا ... لأن حب الزوجة مكتسب و محتاج رعاية و صيانة مش زى حب الأم فطري و مش محتاج رعاية أنا ياما كنت بقارنهم ببعض و اقولها طبيخ امى احلى و رتبى دولابى زى امى و أمى كانت بتعمل كذا و تسوي كذا زرعت فى قلبها الكره ليها للأسف. أنا كنت حاسس إنى طالما بشتغل و بجيب لها فلوس و معيشها فى مستوى كويس يبقى دا كل المطلوب منى عرفت يعنى ايه أهتم ...ماكنتش عارف قبل كدة يعنى ايه ؟ يعنى اقعد معاها و اسمعها و اخليها تطلع اللي فى قلبها و عقلها علشان أقدر أفهمها هى .. لانها شخصية تانية غير أمى. عرفت انها مش بتحب العزايم ..زى ماكانت امى بتحبها عرفت انها مش بتحب الاختلاط بالناس اوى و احترمت كدة و خليت علاقتها بأهلى رسمية ....ودا كان غير أمى خالص . عرفت انها كانت بتحب النظام و النظافة اوى و بتضايق جدا لما ارمي هدومي و جزمتي و شراباتي و اشيائي في أي مكان ... مع ان أمى مكانتش بتعترض على كدة. عرفت انها حساسة لكلمات النقد و التعليمات و المقارنة الدائمة بينها و بين أمى ... مع ان ماما كنت طول النهار بتأمر و أدلع عليها و مكانتش بتزعل منى عرفت انى لازم اروح معاها السوق ..اروح معاها للدكتور ..اروح معاها افسحها فهى مالهاش اصحاب و انا صاحبها الوحيد .. مع ان امى مكانتش بتطالبنى بالحاجات دى خالص. اتعلمت ان لما تكون محتاجة لي ..تعبانة ..زعلانة ..متضايقة ...مضغوطة لازم اكون جنبها علشان تحس بجد انى راجلها و سندها و تحس بالامان معايا. اتعلمت انى اعبر عن حبى ليها باساليب مختلفة و متنوعة من اللمسات الى الكلام الطيب الى الهدايا الى المساعدة ليها باى حاجة مهما كانت بسيطة لان حبى فى قلبها بيقل مع الوقت و بيتحول عطاءها الى عطاء قهرى مش عطاء بحب و لازم اعمل حاجة كل شوية تزود الحب دا ... فالحب أخذ و عطاء و بقدر ما هتدى هتاخد عرفت انى قبل ما اعمل حاجة لنفسى اشوف عملتها ليها ولا لأ ؟ قبل ما انزل مع اصحابى ...اقعد معاها شوية قعدة حلوة ..اهزر معاها زى ما بهزر مع اصحابى ..الاعبها زى مابلعب مع اصحابى قبل ما اسافر معاهم اسفرها و افسحها و ابسطها قبل ما اطالبها انها تروح لامى و تزورها و تحترمها احترم انا كمان اهلها و ازورهم و اجاملهم و ابرهم اتعلمت ان علاقتى بزوجتىي غير علاقتي بأمي خالص وان الحب بين الزوجين أخذ و عطاء انا عرفت و فهمت و بدأت فعلا أحسن من علاقتى بمراتى و بدأت اشوفها مبتسمة و مبسوطة ...مع انى كنت فاكر ان هى اصلا وشها كدة. انا بدأت احس بالسعادة الزوجية الى كان الكل بيقول انها حلم و اكتشفت انى كنت السبب فى تعاستى ولسة بتعلم ازاى اتعامل مع ابنى .... انا مش عايز ابني يحس انى مجرد أب فى البطاقة بس .. زى ما حسيت بالاحساس دا مع أبويا 
|
|
21 - 04 - 2017, 10:55 AM
|
رقم المشاركة : ( 2 ) | ||||
|
† Admin Woman †
|
رد: أنا اتغيرت !!!!!!
ربنا يبارك حياتك |
||||
|
|
|
21 - 04 - 2017, 02:26 PM
|
رقم المشاركة : ( 3 ) | ||||
|
..::| الاشراف العام |::..
|
رد: أنا اتغيرت !!!!!!
ميرسى لمرورك الغالى
 |
||||
|
|
|
21 - 04 - 2017, 04:43 PM
|
رقم المشاركة : ( 4 ) | ||||
|
..::| الإدارة العامة |::..
|
رد: أنا اتغيرت !!!!!!
ميرسى على مشاركتك الجميلة |
||||
|
|
|
23 - 04 - 2017, 06:45 AM
|
رقم المشاركة : ( 5 ) | ||||
|
..::| الاشراف العام |::..
|
رد: أنا اتغيرت !!!!!!
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اتغيرت ليه |
| اتغيرت !!!!!!!! |
| اتغيرت |
| اتغيرت ليه |
| كل حاجه اتغيرت |
العرض العادي
