بدري بدري (اخدم ربنا في عز شبابك)

[walaa farouk]

الكتاب جامعة 1:12
"فَاذْكُرْ خَالِقَكَ فِي أَيَّامِ شَبَابِكَ، قَبْلَ أَنْ تَأْتِيَ أَيَّامُ الشَّرِّ أَوْ تَجِيءَ السِّنُونَ إِذْ تَقُولُ: «لَيْسَ لِي فِيهَا سُرُورٌ»."
(أوعى تخلي حماسة الشباب تنسيك اللي خلقك. اكرمه في شبابك قبل ما تيجي أيام الشر – اللي فيها بتفقد متعة الحياة.) (ترجمة أبسط)

نحكِّي شوية؟!
فيه شباب الأيام دي بيقولوا، "أنا لسه مش جاهز أخدم ربنا؛ لما أكبر وأبقى على المعاش، وقتها هكون فاضي أخدمه وأروح الكنيسة." دي طريقة تفكير مش سليمة، لأن الكتاب بينصحنا نخدم ربنا في عز شبابنا وقوتنا. ما تستناش لما تعجز عشان تخدم ربنا بجد. دلوقتي وقتك إنك تلتزم بخدمة ربنا.

لأنك واحد من الشباب، عندك القدرة إنك تمشي الميل التاني عشان الرب دلوقتي. ده أحسن وقت تكرس نفسك لخدمة ربنا! أنت عندك الطاقة إنك تمشي من شارع لشارع، ومن بيت لبيت، وحتى تروح المستشفيات تكرز بالإنجيل!

ده مش معناه إنك ما ينفعش تخدم الإله لما تكبر في السن؛ طبعًا لازم تخدمه! لكن أنا بأكِّد على أهمية إنك تبدأ تخدمه بدري بدري بكل حماسة وطاقة وحيوية الشباب اللي عندك دلوقتي. خليك جاد في أمور ربنا؛ ده مش تهريج. افتكر إن ربنا يستحق أفضل ما عندك – وقتك، طاقتك، وفلوسك، لأنه قدِّم أفضل ما عنده ابنه يسوع المسيح.

ادخل للعمق:
جامعة 9:11 "اِفْرَحْ أَيُّهَا الشَّابُّ في حَدَاثَتِكَ، وَلْيَسُرَّكَ قَلْبُكَ فِي أَيَّامِ شَبَابِكَ، وَاسْلُكْ فِي طُرُقِ قَلْبِكَ وَبِمَرْأَى عَيْنَيْكَ، وَاعْلَمْ أَنَّهُ عَلَى هذِهِ الأُمُورِ كُلِّهَا يَأْتِي بِكَ الإله إِلَى الدَّيْنُونَةِ."

1 تيموثاوس 12:4 "لاَ يَسْتَهِنْ أَحَدٌ بِحَدَاثَتِكَ، بَلْ كُنْ قُدْوَةً لِلْمُؤْمِنِينَ فِي الْكَلاَمِ، فِي التَّصَرُّفِ، فِي الْحُب، فِي الرُّوحِ، فِي الإِيمَانِ، فِي الطَّهَارَةِ."

صلِّ
بابا حبيبي، أنا بآخد قرار النهارده إني أعيشلك كل سنين عمري وأقدم ليك أفضل ما عندي لأنك /
مستحق، باسم يسوع. آمين.

اعمل:
اقضِ وقت النهارده تكلم اللي حواليك عن يسوع واللي عمله فحياتك. اختبارك دايمًا هيبارك غيرك لما تشاركه.

[Mary Naeem]

مشاركة جميلة جدا

ربنا يبارك حياتك

[Rena Jesus]

جميله جدااااااااااااااا
ربنا يبارك تعب محبتك

[walaa farouk]

مارى
رينا
ميرسي كتير على مروركم الغالى