|
 |
 |
 |
|
|
|
رقم المشاركة : ( 1 )
24 - 12 - 2016, 09:57 AM
|
|||||||||||
|
|||||||||||
|
عايزاكم معايا ثواني تحطوا نفسكم مكان الطالب اللي بيروح المدرسة كل يوم بعد ما تخلص معاناة الصحيان بدري و اللبس و الفطار والباص تبدأ رحلة الكفاح الحقيقية اللي انتم متعرفوش عنها كتير في ولد افتكر انه نسي كراسة العربي و شايل هم ان المدرس يعرف و في بنت خايفة من حصة الماث اللي مش بتحبها و مش بتفهمها كويس في ولد نسي يعمل الواجب و قلقان لحسن يتهزأ قدام الفصل و في بنت مرعوبة من امتحان الانجليزى اللي باباها هيموتها لو نقصت درجة في ولد جعان جدا بس مش هيقدر ياكل وقت الشغل ولازم يجي على نفسه شوية و في ولد هيطق من كتر القاعدة اللي معادش قادر يستحملها و رجله وجعته لكن لازم يقعد كويس في الديسك ده غير حوادث البريك بتاعت كل يوم و الأدوات اللي بتضيع غصب عنهم و اللي ممكن تتلخبط مع حاجة زمايلهم .. و اكيد هيزعلوا جدا لو ملقوهاش تاني لحظة..في حاجة كمان الولاد عندهم حياة اجتماعية مهمة في المدرسة مينفعش نتجاهلها الطالب بيتعرض لضغط من زمايله كل يوم بيبقى عايز يكون عند نفس مستوى الطلاب التانيين لو مش في الدراسة يبقى على الأقل في الإمكانيات والشعبية بيختلف مع صحابه كتير و بيحصل سوء تفاهم بشكل يومي تقريبا و بيبقى عايز ميخيبش توقعات المدرسين فيه و بعد كل ده مطلوب منه يروح البيت يخلص واجباته و ينزل التمرين و يجهز عشان تاني يوم طيب اعمل ايه بالكلام ده؟ هو ده الروتين اليومي و طبيعة السنة الدراسية و لا موديش ابني المدرسة احسن؟ لا يا حبيبتي.. اللي انا عايزة اقوله ان ابنك او بنتك زيك بالظبط في الضغوطات اللي بيواجهوها كل يوم و في ايام بتبقى ممتعة و جميلة و ايام تانية بتبقى صعبة على الولاد هتعرف الأيام دي اما تلاقي ابنك لاوي بوزه اليوم كله ومش راضي يسمع نص كلمة تقولها فالمطلوب منك انك تحتوي ولادك بعد يوم شاق و طويل قابلهم باشتياق ........ احضنهم قولهم قد ايه هما واحشينك و انك مبسوط انهم رجعوا البيت بسلام اديلهم الأمان.. بلاش وعيد و تهديد خليهم ياخدوا قسط كافي من الراحة قبل ما تسألهم عن تفاصيل يومهم وتستفسر عن الواجبات و الكويزات اللي هتذاكرولها زي ما بتدي وقت لمتابعة المذاكرة ادي وقت لمتابعة حالة ابنك النفسية...والاجتماعية مفيش عقل بيتفرغ تماما لواجباته لو عنده مشاكل او هموم بتدور فيه بلاش تخلي ابنك يقول انك مش مهتم بيه و يروح يشكي لغيرك مع انك اقرب انسان ليه حتى لو مفيش وقت 10 دقايق قبل النوم و هما في حضنك هتقوم بالمهمة وهتقرب ما بينكم المسافات و تعمل المعجزات و تخلي ابنك انسان سوي و هادي و هتخلي مشاكله تقل مع الوقت جربيها...وحسيها و اوعي تخلي زحمة الدنيا تشغلك عن اهم و اغلى حاجة في حياتك انت بأيدك تقدر تعمل السحر في نفسية ولادك و في سلوكهم 
|
|
24 - 12 - 2016, 12:05 PM
|
رقم المشاركة : ( 2 ) | ||||
|
..::| الإدارة العامة |::..
|
رد: اوعي تخلي زحمة الدنيا تشغلك عن اهم و اغلى حاجة في حياتك
ميرسي على مشاركتك الجميلة رينا
|
||||
|
|
|
24 - 12 - 2016, 02:58 PM
|
رقم المشاركة : ( 3 ) | ||||
|
† Admin Woman †
|
رد: اوعي تخلي زحمة الدنيا تشغلك عن اهم و اغلى حاجة في حياتك
مشاركة جميلة جدا ربنا يبارك حياتك |
||||
|
|
|
26 - 12 - 2016, 01:33 PM
|
رقم المشاركة : ( 4 ) | ||||
|
..::| الاشراف العام |::..
|
رد: اوعي تخلي زحمة الدنيا تشغلك عن اهم و اغلى حاجة في حياتك
ميرسى لمروركم الغالى
 |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| اوعي تخسر نفسك في زحمة الدنيا |
| اوعى تخلى 🌍الدنيا فى ❤ قلبك |
| لما الدنيا تزعلك |
| لما تزعلك الدنيا |
| لما الدنيا تزعلك قوي |
العرض المتطور