|
 |
 |
 |
|
رقم المشاركة : ( 1 )
23 - 01 - 2020, 04:40 PM
|
|||||||||||
|
|||||||||||
 كلمة بنقولها علي يوم مر بينا ، أو (عفوا) ناس عاملناهم أو موقف حصل لنا .. صح ؟؟ لكن افكرك أن الزفت (القار) هو اللي انقذ نوح من غرق الطوفان لما طلي بيه الفلك (تكوين ٦) ، و هو هو اللي انقذ سفط موسي من الغرق في مياه النيل (خروج ٢) .. الزفت (لمؤاخذة تاني !!) او الاسفلت هو اللي بيخللي الارض ناعمة ، و من غيره الطرق كلها تبقي مطبات و غير صالحة للسيارات.. كده مرات ناس متعبة بنقابلها، سودا من جوه ، بس "بتسفلت" فينا عيوب زي قلة الصبر و العنف و النميمة و الاغتياب.. من صدامنا معاهم "بنتعلم" أو احيانا "بنتربي" و "نتأدب" .. برضه أحداث قاسية بتعدي علينا و تضايقنا بس بتحمينا من شر جاي احنا مش شايفينه .. هل موسي مثلا كان فاهم أن امه و هي بتدهن سريره الصغير بالقار انها كانت بتحميه ؟؟ لكن لما كبر فهم و شكر علي الحماية اللي ربنا عملها له .. نفس الكلام لما ربنا يقفل لنا باب ، بيبقي حماية من طريق لو سابنا نمشي فيه ح نشوف المر و المرار .. الزفت (اسف) علي قد لونه و بواخته، له فوايد كتير.. ايه اخبار الزفت (اسف تاني) اللي عندك ؟؟ 😄😄🤭🤭 
|
|
| قد تكون مهتم بالمواضيع التالية ايضاً |
| الموضوع |
| زى الزفت |
| • مفاجأة فى الزفة .. |
| حظك الزفت |
| الزفة |
| كداب الزفة |
العرض الشجري