هاجم المسيحيين واتهمهم بالتحريض على الإسلام..تدوينة لـ أبوعرايس تفجر جدلا واسعا!!
فجّر "سامح أبو عرايس" -مؤسس حملة أبناء مبارك- موجة من الغضب على مواقع التواصل الاجتماعي، على خلفية اتهامه للمواطنين المصريين بأن لديهم مشكلة مع الإسلام بسبب تأييدهم لمرشحة الرئاسة الفرنسية ماري لوبان المعروفة بعدائها للمسلمين.
وكتب "أبو عرايس" في تدوينة له على موقع التواصل الاجتماعي "تويتر": "لما تلاقي السيساوية والمسيحيين المصريين بيؤيدوا مارين لوبان لمجرد إنها بتكره الإسلام وعايزة تحارب المسلمين .. تعرف إن الناس دي مشكلتهم مع الإسلام مش مع الإخوان".
وتعرض "أبو عرايس" لهجوم شديد من المتابعين بسبب تدوينته، الأمر الذي اضطره إلى إصدار توضيح قال فيه: "أي كلام بأقوله ضد سلوكيات بعض المسيحيين أقصد به المسيحيين المتعصبين .. النوعية اللي بتشتم الإسلام وبتشجع أي حد يهاجم الدين الإسلامي .. النوعية اللي بتهاجم الأزهر وبتقول إنه منبع الإرهاب .. النوعية اللي بتمثل أكبر جمهور للي بيهاجموا الإسلام ويشككوا فيه زي إسلام بحيري وفاطمة ناعوت وإبراهيم عيسى وخالد منتصر وزكريا بطرس وأمثالهم .. النوعية اللي كانت بتتمنى فوز مارين لوبان لأنها بتكره المسلمين وعايزة تعمل سياسات ضدهم وتغلق مساجد".
وتابع: "النوعية اللي مش بتتعاطف إلا لو مسيحي تعرض لأذى، لكن بتبرر اضطهاد المسلمين بحجة مكافحة الإرهاب .. النوعية اللي بتقول إن المسيحيين هم سكان مصر الأصليين وإن المسلمين أحفاد غزاة وهي كذبة تاريخية كبيرة .. النوعية اللي لو دخلت على أي جروب على الفيس بوك بيهاجم الإسلام تلاقيهم أغلبية أعضائه .. هم دول اللي أقصدهم .. لكن المسيحيين المعتدلين المحترمين اللي بيحترموا غيرهم وبيحترموا المسلمين وعقيدتهم ولا يتدخلوا في شئونهم وبينشروا المحبة فهم غير معنيين بهذا الكلام .. بالعكس باحترمهم وأحبهم .. وأتمنى كل المسيحيين يكونوا زيهم".
هذا الخبر منقول من : وكالات
08 - 05 - 2017, 12:28 PM
العرض الشجري