|
 |
 |
 |
|
|
|
رقم المشاركة : ( 1 )
17 - 03 - 2022, 08:27 PM
|
|||||||||||
|
|||||||||||
 عرفنا قبل كدة أن الرسل أكترهم خرجوا يبشروا بالمسيح في كل مكان ويثبتوا الناس في الايمان.. ..وكان في بلد اسمها أنطاكيا اللي هي تركيا دلوقتي , الرسل اللي في أورشليم عرفوا انهم آمنوا بالمسيح فبعتوا ليهم (برنابا الرسول).... وبرنابا الانجيل بيقول عنه انه كان شخص حلو جدا, ولما وصل انطاكية وشاف ايمان الناس الي هناك فرح جداً ....وبعد كدة راح مدينة اسمها طرسوس ولقي بولس هناك فخدوا معاه ورجعوا تاني أنطاكية وقعدوا سنة كاملة بيعلموا الناس كل حاجة عن المسيح.  وبعد كدة راحوا مدينة اسمها سلوكية ومنها سافروا ل(قبرس).... وبشروا والي اسمه (سرجيوس واخس) وآمن بالمسيح  وبعد كدة راحوا مدينة اسمها بيسيدية ودخلوا المجمع وقعدوا يكلموا الناس عن المسيح, فآمن ناس كتير جداً.... فآمن ناس كتير جداً بالمسيح بس طبعاً الكلام ده معجبش اليهود المتشددين لانهم مكنوش بيحبوا بابا يسوع ولا أي حد بيتكلم عنه فبدأوا يضايقوا بولس وبرنابا. وبرضة بولس وبرنابا كملوا تبشريهم واتنقلوا من مدينة لمدينة, وطبعا كانوا حاسين بان اليهود المتشددين عايزين يآذوهم...  وفي تنقلهم وصلوا لمدينة اسمها(لسترة)... وفي لسترة كان في راجل مبيعرفش يمشي (مولود كدة).. ..فقعد يسمع لبولس وهو بيتكلم فبولس قاله قوم وامشي.... فقام في وقتها ومشي...وكل الناس كانوا مستغربين اللي حصل.  فسكان البلد قالوا بلغة بلدهم: الآلهة خدت شكل ناس ونزلت لينا.... .(هما كانوا بيعبدوا الآوثان). فسموا برنابا(زفس) وسموا بولس(هرمس)... ..وجه الكاهن بتاع الآوثان بالهدايا علشان يقدمها لبولس وبرنابا.... فبولس وبرنابا قعدوا يصرخوا وقالولهم: ايه اللي انتوا بتعملوه ده؟!! ! احنا بشر زيكم..بطلوا الحاجات الغربية بتاعتكم دي وآمنوا بالآله الحقيقي اللي خلق السما والأرض هو المسيح.... فاليهود اللي في انطاكيا وايقونية علشان كانوا متغاظين منهم فجم مسكوا بولس وقعدوا يضربوه بالحجارة وجروه لبرة المدينة .....  فناس كويسين جم دخلوه جوة المدينة وساعدوه..... فبعد كدة هو وبرنابا كملوا رحلتهم وراحوا مدينة اسمها دربة... وكانوا بيختاروا كهنة في كل مدينة بيدخلوها علشان يتولوا امور الناس ويثبتوهم في الإيمان .... ولو جينا نفكر في كل الناس اللي آمنت هنعرف ان الروح القدس هو اللي كان بيساعد الرسل في كل خطوة وفي كل كلامهم.....  
|
 |
|
العرض المتطور