5 أفكار مغلوطة عن التعافي من الإباحية🖐

[walaa farouk]

5 أفكار مغلوطة عن التعافي من الإبا*حية🖐
1. مفيش تبطيل 🤔
بعد مَرات كتير يحاول فيها شخص مدمن إبا*حية
يبطل ويفشل .. تتسرب ليه الفكرة دي (مفيش تبطيل)
زي الجملة الشهيرة من مسلسل تحت السيطرة
(مفيش تبطيل يا على!)..
لكن الحقيقة في تبطيل وتعافي والناس دي موجودة
وتجاربها متاحة للي عايز يتشجع بيها.

2. هتفقد متعة كبيرة 😯
ممكن بسهولة تيجي فكرة زي دي لدماغ شخص
نفسه يبطل لكن يفكر إنه عمره ما في الواقع
هيلاقي مستويات المتعة اللي بيلاقيها في الأفلام
لأن الواقع أفقر مثلا !.. دي فكرة مغلوطة جدا
لأن الواقع مختلف آه.. دا أكيد لكنه أبدا مش أفقر،
والإنسان اتخلق على أساس انه يستمتع
ويشبع بالحاجة الحقيقية.

3. أنت تستحق تنبسط 🤩
دي بقى فكرة صح جداً أنت تستحق تنبسط..
وتشبع وتفرح بكل نعمة خلقها الله للبشر،
لكن انت اكتر واحد عارف برضو انك بتنبسط انبساط وقتي
وفي المقابل بتحس بالذنب والعار وكل جوانب حياتك بتتاثر سلبيا
عشان كدا انت تستحق تنبسط بجد بالجنس
في مكانه ووقته ومع الشخص المناسب.

4. هتفضح نفسك 🫣
أنا معاك ان علشان تشارك اصلا حد أو متخصص
بالمشكلة دي من الأساس دا محتاج نسبة مخاطرة وشجاعة
لكن خليني أقولك بلاش أصلا تعمل كدا غير مع حد ناضج
وأمين وهيقدر يساعدك فعلا، وساعتها هتكون
حاسس بامتنان مش بفضيحة.

5. الواقع صعب 😰
أيوة الواقع متعب ومليان حاجات بتضغط على الشخص
ويضطر بسببها يهرب للإبا*حية .. لكن خليني أقولك
إن دي سمة الواقع ومش هيتغير لكنه بيقدملك
من خلال صعوباته.. فرصة غالية للنضوج ومواجهة المشاكل
وتطوير شخصيتك بدل ما تهرب منها وتفضل طفل وجدانيا
مش عارف حتى تتحمل مسئولية نفسك.
أنت_حر التعافي_من_إدمان_الإبا_حية
#8020lifeWay #80_20LifeWay