تتجوزينى...

[Rena Jesus]

تتجوزينى.
واعيشك زمن الستِين بتفاصيلهُ،
بفستان كلاسك لحد الركبة، وشنطة يد صغيرة ماركة جوتشى،
وهزارى معاكى وانا بشوف مقاس رجلك فى ركن الاطفال،
ونجيب جزمة شمواه لونها ما بين النبيتى والاسود،
وميك أب كامل من كحول وروج صعب على غيرى يلاحظهُ،
وهجيبلك الـ Parfum الـ فاكرة من اول مرة اتقابلنا فيها،
وشمسية فيها من لون فستانك،
ولوحة كبيرة فيها اسماء اولادنا فـ المستقبل،

وتطلى من بلاكونة سورها قصير على بياع الورد بمنتهى العفويه،
وفنجان قهوة معمول بهدوء فـ مج قديم شاهد عليه الزمن،
ونردد مع بعض اغانى خارجة من سماعة راديو،
وصدى صوتنا فـ البيت وإحنا بنادى على بعض بأسمنا بعد عمر كبير ،
ولحظة جنان نعيشها فـ الشارع من بعد 12 بليل،

انا مش مكسوف انى اقولك ايوه بحبك وسط الناس،
ولا أنى اوديكى ملاهى الاطفال لمجرد نظرة عنيك،

المتجوزين اعملوا كدة ولو حتى يوم وشوفوا فرق الحياه هتكون ازاى ،
والمرتبطين عيشوا الحلو فـ الحياه واستمتعوا بوجدكم فيها متتكسفوش تحبوا تفاصيل الـ بتحبوهم من الناس ،
محدش بينفع حد فـ الاخر،

اه ما زلت مـ اعرفكيش لكن صدقينى شايل ليكى رصيد كبير من المشاعر والخوف والاهتمام والحُب المتحوش بأسمك،
يمكن هانت او لسه باقى حبه لكن فـ النهاية التفاصيل دى وحدة بس الـ هتعيشها معايا.
الموضوع ده للمؤمنين بالحب والتفاصيل للطمعنين فـ رضا ربنا فـ الحياه
للناس الـ وفرت مشاعرها لواحد بس.

[walaa farouk]

انا مش مكسوف انى اقولك ايوه بحبك وسط الناس،
ولا أنى اوديكى ملاهى الاطفال لمجرد نظرة عنيك،


حلووووة اووووى يا رينا

[Mary Naeem]

الموضوع ده للمؤمنين بالحب والتفاصيل للطمعنين فـ رضا ربنا فـ الحياه
للناس الـ وفرت مشاعرها لواحد بس.

ربنا يبارك حياتك

[Rena Jesus]

ميرسى لمروركم الغالى