صحتك هى ثروتك

[marit jesus]

من الثقافات السلبية المنتشرة في مصر. 😰
الاستهانة بالمرض واسبابه.
⬅ موروثات سلبية بنتواراثها في مجتمعنا، والنتيجة ان صحتنا بتدهور وبقينا من اكتر البلاد انتشارا للامراض في العالم. ( في اسباب تانيه كتير، بس اهمالنا في صحتنا سبب قوي ).
※ دايما بتصدع؟ خد اسبرين وكوباية شاي وادخل نام، هاتصحي كويس
※ بالرغم اننا حافظينها من واحنا صغيرين،( اغسل يديك قبل الأكل وبعده )، لكن مابنعملش كده للاسف .
※ جالك برد، خد لك اي مسكن ولا مضاد حيوي وانت تبقي كويس.
※ عارفين ان الاندومي كله ( مصايب ). ومع ذلك بناكله بجنون.
※ عارفين ان الخضار او الفاكهه اللي حجمها كبير بزياده دي. بيكون عليها هرمونات. ومع ذلك بنشتريها. ونسيب اللي حجمها طبيعي. وحتي ياريتنا بنغسلها كويس قبل الأكل.
※ غسيل الأسنان اللي بيعتبر من البديهيات في المجتمعات الاخري زي الاكل والشرب كده، عندنا بيعتبر حاجه شاذة.
※ لمدة سنه كامله حاسس ان فيه حاجه تاعباه، ومايرحش يكشف الا لما يفقد الوعي. ويبقي في المرحلة الاخيرة من المرض.
※ تجاهل الأب والأم الكشف عند الدكتور، عشان توفير الفلوس دي للابناء، شعور طيب ونبيل ، بس اولادك هايخسرو كتير. لو رقدت في المستشفي او جري لك حاجه، لا قدر الله.
※ عارفين ان السكر الكتير غلط. ومع ذلك لازم الشاي يبقي عسل نحل.
⬅ أغلي مايملك الإنسان هو صحته. ومع ذلك بنهمل في صحتنا عشان نوفر حق الكشف والعلاج السليم، أو عشان مكسلين نروح للدكتور.
⬅ زي مابتسعي انك تاكل وتشرب كويس انت وعيلتك، لازم تهتم بصحتك انت وعيلتك. ممكن تِفَضَّل عيلتك عليك في الاكل، بس كله الا الصحه.
✔{ صحتك هي ثروتك }✔

[Rena Jesus]

ميرسى ربنا يبارك تعب محبتك

[Mary Naeem]

ربنا يبارك حياتك

[walaa farouk]

ربنا يبارك خدمتك الجميلة

[MenA M.G]

موضوعك مميز .. طرح رائع
ربنا يبارك خدمتك