ابونا مينا عبود ومعجزاته الحلوة ❤️❤️
عايزة احكلكوا معجزة ابونا مينا سريع الندهة عملها معايا شخصينا
ابني السنة دي المفروض انه بقدمله في المدرسه كجي ١ سنه في اول اكتوبر هيكون ٥ سنين وشهر و١٩ يوم ودا سن وحش جدا جدا اللي ولاده في مدارس عارف ان السن صغير لان كجي المفروض من ٦ سنين الا يوم لحد ٥ سنين فمعظم مدارس الراهبات ومدارس اللغات النظيفة بتبتدي تاخد السن الكبير الا هو من ٦ سنين الا يوم لحد ما تكتفي بالعدد وبالتالي بيوقفوا عن سن مثلا ٥ سنين ونص مثلا ودا بعيد جدا عن سن ابني ، قدمت في مدارس كثير ابني يتقبل في الانترفيو ويقولوا انتظري التنسيق بس لازم تقدمي في مدارس ثانية لان سنه صعب عشان السنه مترحوش عليه ، من شهر مارس وانا دايخة قدمت في ٥ مدارس والكل بيقولي مفيش امل السن صعب بقيت بعيط بالدموع ومش عارفة انام صرفت فلوس بالهبل علي الابلكيشن والورق اللي بيطلب بدون جدوي ابتديت اتنازل بعد ما كنت نفسي في مدرسة معينه مصاريفها تقريبا في حدود ٩٠٠٠ شامله كتب ولبس ومستواها كويس بس مش قابله سن ابني وقفلت التنسيق علي سن اكبر من ابني بايام ، روحت قدمت في مدرستين مصاريفها ١٨٠٠٠ بدون كتب او لبس يعني ممكن تدخلها في حدود ٢١٠٠٠ بقيت افكر هعمل ايه واجيب الفلوس ازاي ، ارجع اقول مش مهم المهم مستواها كويس لو عرفت انقل بعد كدا تمام معرفتش يبقي علي الاقل المدرسة كويسة ، حتي المدرسة الغاليه لحد الان مردتش... كنت سمعت كتير عن معجزات ابونا مينا وانه سريع الندهة وقولت خلاص هتشفع بيه في حوار المدارس ولما جيه عيد استشهادة يوم ٧/٦ وشوفت صوره في كل بوست علي الموبايل كانه بيطمني قومت كلمت المدرستين الغالين قولت اكيد ابونا مينا عمل معجزه واذ كان الرد لسه مفيش جديد اسالي بعد اسبوع ابتديت ايأس واعيط بالدموع واقوله كدا يوم عيدك تكسفني بس عاملين يقولول سريع الندهة سريع الندهة هو فين دا انا من شهر مارس وانا بجري ، دا اول طلب اطلبه منك تعمل كدا انا قولت لو حلتلي الموضوع هكتب معجزتك في كل الجروبات ، انا زعلت منك ، نمت وصحيت علي تليفون من جوزي وهو كان مسافر بيقولي ليكي خبر عندي بمليون جنيه قولتله جوجو قبل في المدرسه كذا اللي هي واحده من الاثنين الغالين قالي لا ؟! قولتله امال قالي المدرسه اللي كنتي عايزاها من الاول اللي مصاريفها ومستواها كويس اللي تنسيقها قبل لقتهم بيكلموني وبيقولوا ابنك قبل ❤️🙏 ابونا مينا كان بيرتبلي المدرسه اللي كنت عايزاها من الاول اللي مصاريفها علي قدي معجزته كانت علي الحاجة الشبه مستحيله اللي تنسقها قفل هو اتصرف حد سحب ملف ابنه وحط ابني مكانه 🙏
شكرا يا #ابونامينا شكرا علي كل حاجة 🙏🙏❤️🥰
