زوّادة اليوم: ذوقوا وانظروا ما أطيب الرب

[souad jaalouk]

زوّادة اليوم: ذوقوا وانظروا ما أطيب الرب
بيخبرو عن بيّاع خضرا بيتنقّل بين الضِيَع و كل ما يوصل عا محطّة بيتجمّعو حَولو سكّان الحَي. منسمعو عم يقلّن: دوقو قبل و اذا عجبوكن اشترو منّن. قدّيش واثق هالبيّاع بالبضاعة اللي عارضها و انّو اكيد الزبون رح يحبها! بيذكّرنا هالموقف بالمزمور:
"ذوقوا وانظروا ما اطيب الرب" (مز8 :34)
ربنا واثق كتير باللي عندو و بدّو يانا نوثق فيه و نعرف انّو ما عم يغشنا و انّو عنجد هوّي معنا عاطول. بدّو يانا نجرّب العلاقة معو و بعدها اكيد نحنا اللي رح نتمسّك فيه و ما نتركو ابدا! متل ما بيقول القدّيس يوحنا سابا:
"من رآه ثم احتمل ألا يراه؟ من سمع صوته واحتمل أن يعيش بدون سماع صوته؟ من استنشق رائحته ولم يجيء حالًا ليتنعم به؟"...الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

من سمع صوته واحتمل أن يعيش بدون سماع صوته؟ من استنشق رائحته ولم يجيء حالًا ليتنعم به؟
شكرا على زوادة اليوم
ربنا يفرح قلبك