|
 |
 |
 |
|
رقم المشاركة : ( 1 )
26 - 12 - 2014, 06:05 PM
|
|||||||||||
|
|||||||||||
|
اتعب من اجل الله لابونا بولس جورج  يروى ابونا بولس جورج عن حكاية حصلت معاه فى عام 83 او 84 تقريبا وبيقول اخذت شباب جامعة هنا فى الكنيسة وروحنا نخدم دار مسنين اللى مسؤلين عنة كانوا راهبات كاثوليك وسمحو لنا نروحلهم مرة فى الاسبوع نقدم لهم دراسة كتاب مقدس وكلمة روحية ونوزع عليهم حلويات و تانى مرة لقنا الراهبة بتقولنا هى دى الخدم !!؟؟ جايين تقولوا درس كتاب وتوزعوا شيكولاتة وشكلكم افنديا . مش هى دى الخدمة. انتوا عايزين تخدموا بجد ؟؟؟ انا سكت ماردتش لانى مش فاهم هى عايزة اية !!... فقالت تعالوا وانا اوريكوا. احنا كنا بندخل العنابر اللوكس اللى فيها واحد بس او اتنين بالكتير لكن هى اخدتنا فى عنبر فية 10 فى الغرفة اشكال بقى ما كناش شوفناها قبل كدة . وبدات تقول دة عم فلان ما استحماش بقالة 3 شهور وبيخاف من المية ،عندة فوبيا المية يعنى فاكر انة لو استحمى هيموت ،ودة عم فلان عندة ظافر فى رجلة احنا الراهبات معرفناش نقصه له. الظافر معرفش اقول لكم شكلة اية !!؟ بس احنا شوفنا الحاجات دى كلها . انا كان معايا شباب لسة فى اولى جامعة بتوع مصر الجديدة اللطاف قوى قوى قوى .. شافوا المناظر دول. بعيد عنكوا اللى داخ واللى اتسند على حاجة واللى كان هيرجع . والراهبة قالت الخدمة مش تقولوا كلمة ويجوا يقولوا لكم يا استاذ. الخدمة معناها انك تتعب وتنكر نفسك من اجل المسيح واللى مش هيشيل صليب فيكم ويتحمل معانا الناس دى احنا مش محتاجين خدمته تانى معانا فى الدار . كان فية ناس من قلة الحموم مكناش باين لون جلدهم الاساسى اية ؟؟ والولاد بقوا ماسكين اللليفة باطراف اصابعهم وبقوا مستغربين نحميهم.. نحميهم ..!!! يادى الكسوف وانا قلت لهم انتوا مش رجالة تحموا الرجالة امال عايزين يعنى الرهبات اللى تحميهم !!؟؟ بعد 6شهور العيال دى بقيت اية..!! اسطوات حموم . يدخل مشمر على طول بالليفة ويفرك علشان كدة فى يوم من الايام لو ربنا طلب منك خدمة ما تختارش الخدمة اللى فيها ظهور لو سمحت .ما تختارش الخدمة اللى فيها ميكرفون لو سمحت واللى فيها مديح من الناس اختار الخدمة فى الخفا لان الخدمة دية هى الخدمة اللى فيها تعب حقيقى من اجل الله فانكم انما دعيتم للحرية ايها الاخوة.غير انه لا تصيروا الحرية فرصة للجسد بل بالمحبة اخدموا بعضكم بعضا. " غل 5: 13 
|
|
| قد تكون مهتم بالمواضيع التالية ايضاً |
| الموضوع |
| عظة عن الرحمة لابونا بولس جورج |
| برنامج بدون عنوان لابونا بولس جورج كيف تعرف صوت الله |
| الارتباط .. لابونا بولس جورج |
| الفتور الروحي لابونا بولس جورج |
| عظات لابونا بولس جورج |
العرض الشجري