|
 |
 |
 |
|
رقم المشاركة : ( 1 )
26 - 09 - 2023, 06:42 PM
|
|||||||||||
|
|||||||||||
 سيده عجوز كل يوم قبل ماتنام تملى طبق مايه وتحطه قدام باب البيت للقطط والكلاب يشربوا منه ولما تصحى الصبح الساعه ٨ كانت بتلقى الطبق مليان زي ماهو مش ناقص منه حاجه تاخده تدخله وتطلعه تاني بالليل وهكذا ،، فضلت على الحال ده اسبوع واتنين وتلاته لحد مازهقت قالت معقول مفيش ولا كلب ولا قطه بيعدوا من قدامه تاني يوم قررت ماتحطش مايه ونامت صحيت الساعه ٨ الصبح على الباب بيخبط فتحت ، لقت جارتها بتطمن عليها وبتسألها انتي كويسه ! طب ليه محطتيش مايه زي كل يوم قالتلها مانا زي مابحط المايه زي مابشيلها فجارتها قالتلها ، انا يومياً وانا رايحه الشغل في الميعاد ده بلاقي الطبق فاضي وبملاه من تاني وبسيبه علشان اتعلمت منك اقدم الخير وان ممكن حيوانات تعدي وتكون عطشانه ولما مالقتش الطبق استغربت وقلقت عليكي فاترد العجوز بجمله جميله وتقولها ياكسرة قلبي ، يعني انا اتسببت في عطش حيوانات بريئه ! كانت بتقصدني كل يوم واتخذلت بسببي انهارده لما تقرر تدي ادي حتى لو ملاحظتش تغيير حتى لو مالقتش مقابل حتى لو متقالكش شكراً ده مش معناه ان عطيتك غير مقبوله ولا معناه انك بتضيع وقتك على الفاضي كلمة شكرا مش لازم يتقالك عليها العفو كفايه ان اللي سمعها حس انه انسان وبيتشكر كلمة طمني عليك مش لازم يتقالك عليها وانت كمان كفايه ان فيه انسان حس انه مصدر اهتمام لغيره كلمه برافو كفيله تضاعف طاقة بني ادم خد على عدم التشجيع خلاصه الكلام ماتقولش بطلت اقول كلام حلو علشان مابحصدش مقابل لما تقدم حاجه حلوه وتلاقيها هي هي بدون تغيير او مقابل كمل وماتوقفش ، انت مصدر طاقه لكتير بيتسندوا على كلمتك الحلوه ، حتى لو مَصرحوش بده الكلمه الحلوه خير وعطيه ربنا هيكافئك عليها ويبعتلك اللي يردهالك من غير ماتحس او تنتظر ❤️ 
|
 |
|
| قد تكون مهتم بالمواضيع التالية ايضاً |
| الموضوع |
| ربنا هيكافئك على محاولاتك |
| الكلمه الحلوه بتنور الوشوش💙 |
| الكلمه الحلوه .. هي البلسم الشافي |
| ربنا هيكافئك ببدايات جديدة صح |
| الكلمه الحلوه تفتح فالبحر طريق !!!!!!! |
العرض العادي
