ترتب قدامي مائدة تجاه مضايقي

[walaa farouk]

الراعي زمان كان بيواجه نوعين من الأعداء للخراف بتوعه،
في النهار بيخاف عليهم من الحيات والأفاعي، والليل بيخاف عليهم من الذئاب.
الراعي الشاطر بيغلي مية ويدلقها ما بين شقوق الصخور اللي فيها التعابين،
فتموت التعابين والخراف بتاكل في أمان.
المنظر الرائع بقى بالليل، الراعي يعمل دايرة كبيرة من النار حوالين خرافه،
الذئاب تشوف النور والخراف جوة فتتجمع حوالين الدايرة،
لكن تخاف تقرب أكتر علشان النار،
وتكون الخراف جوة الدايرة بتاكل بكل سلام والذئاب من كل ناحية مش قادرة تقرب.
الله عنده وعد أجمل من إنه يطرد الصعوبات والضغوط،
وهو إنه وسط الضغوط يعمل لك وليمة في دايرة من السلام،
تاكل وتفرح وتنمو وسط الضغوط.