|
 |
 |
 |
|
رقم المشاركة : ( 1 )
19 - 10 - 2020, 10:27 PM
|
|||||||||||
|
|||||||||||
 خذلني.. عارف معني الكلمة ؟ خنجر يدبحك من الوريد للوريد ، نار تقيد جوه ضلوعك و ما تنطفيش؟؟ انك تحب إنسان بكل اللي فيك ، و تكتشف انه ما كانش بيحبك زي ما بتحبه، و ان حبه ليك عادب و رده علي عتابك ملوش طعم .. عارف يعني ايه يخذلك ؟؟ يعني تطلبه ما يردش و لا يفكر يرد عليك ، يعني ما يرطبلكش خاطرك لما تكون مجروح ، يعني ما يحسش ببعدك و لا بغيابك ، يعني تبقي بالنسبة له رقم يفتكرك لما تيجي علي باله ، و يكلمك بس لما هو يعوزك ، يعني تبقي ملهوف عليه و تلاقي لهفته علي غيرك ، اللي معاه مصلحته .. الخذلان كلمة ما بيحسش بيها إلا القلوب الحساسة ، اللي بترمي الحب للكل و مش مستنية نفس الحب ، كل اللي طالباه و لو نظرة واحدة من الود أو الامتنان ؛ كلمة حب و لو صغيرة بتروي عطشهم الشديد .. و ياما ناس داقت مرارة الحالة دي لان اللي بيفهموا في رد المشاعر نوادر النوادر .. لما تلاقي نفسك مخذول و متروك ، أعرف أن ده مش عيبك أن قلبك بكل الحساسية دي ، دي طبيعة البشر اللي كل واحد فيهم مبلوع في نفسه و مش فاضي يحب و يود و يرد علي مشاعرك المرهفة.. و اه من مشاعر مخذولة ، ما بيرطبهاش غير الرضي بالقليل ، و شوية صلاة دافيه في ليلة هادية ، فيها حبة تعزية من إله يشعر بيك ، و داق زيك خذلان حتي اقرب الناس لان هو بس اللي فاهمك و يقدر يداوي نفسك .. بس اوعي تبطل تحب لأنك ح تتعب اكتر و كمان مش ح تعرف ؛ إنما بطل تستني من حد يديك مشاعر قد ما اديته .. 
|
 |
|
| قد تكون مهتم بالمواضيع التالية ايضاً |
| الموضوع |
| الكل خذلنى أحتوينى |
| لقد خذلني ظرف الوداع نفسه |
| خذلني وتركني غريب |
| لقد خذلني ظرف الوداع نفسه |
| الجميع خذلنى |
العرض العادي
