روح لربنا بمشاعرك

walaa farouk · رقم المشاركة : ( 1 ) 31 - 10 - 2015, 11:00 PM

داود...كانت النقطة المميزة فيه مشاعره
فكان كل اللى بيقدر يعمله انه يروح لربنا بمشاعره وينقلها له واحيانا كان يكتبها فى ورق ويغنيها او يصرخها او يعاتبه بيها (وصل لربنا بمشاعره )'

ارميا...كانت العلامة المميزة هى الدموع كل اللى بيقدر يعمله انه يبكى ويعيط ويشكى لربنا اللى بيحصل وسط شعبه
كتير من سفره دموع ومراثى
كل اللى بيملكه شويه دموع وصراخ (راح لربنا بدموعه)

يعقوب ...كان عنيد وعصبى اخر ما زهق ما تكسفش انه يروح لربنا بعنده وعصبيته وراح بيتخانق معاه ومتبت وماسك فيه ويقوله لن اطلقك ان لم تباركنى وفعلا نال ما طلبه (راح لربنا بعنده وعصبيته وصراعه)

العشار ....راح يصلى مكانش عنده حاجة يقولها او يروح لربنا غير اربع كلمات اللهم ارحمنى انا الخاطىء والله برره رغم صغر صلاته وامتدحة لانه كان صادق وراح باللى فى قلبه(وصل لقلب ربنا باربع كلمات)

فى صلاتك وخلوتك وعلاقتك مع ربنا ما تحطش طريقة او فرض تفرضة تحاول توصل بيه لربنا شوف ايه الحاجة اللى جواك اللى تقدر توصل بيها لربنا (مشاعرك -ايه-كلمة صغيرةمن قلبك-دموع -عتاب-ترنيمة -لحن-كلمات كاتبها لربنا فى ورقة ونفسك تقولهاله )ما تتكسفش روح لربنا باللى فى قلبك وباللى قادر تتواصل معاه بيه اوعى تقطع الاتصال معاه وتقول مش عارف اصلى روحله باللى عندك هيبقى عنده بالدنيا كلها اهم حاجة تروحله باحتياج قلبى وما تسيبش نفسك من غيره ...