قيمته في اللي عنده

[walaa farouk]

فيه ناس كده ، قليلة و فاضية ، قيمتها في اللي عندها ،
مش في اللي جواها و في اللي بتعمله من خير لغيرها ..

اللي قيمته في اللي عنده يهمه قوي انه يلبس براند (احسن ماركة) ، و يركب عربية غالية ، و يمسك موبايل يلفت بيه النظر
، و يعمل ستايل في الجسد و الشعر و الزينة يخللي الناس تبص له و تعجب بيه..

طبعا ده مش معناه انك تلبس او تمسك ارخص حاجة
، معناه بس انك لما تجيب حاجة ، تجيبها لانها لازماك
و مهمة لحياتك ، و باعتدال ، مش علشان الناس تشاور عليك ..

اما اللي قيمته في اللي جواه ، يبني عقله و انحازاته و اخلاقه
؛ اهميته انه يعمل خير للناس و يسعدهم مش انهم يشاوروا علي ماركة هدومه او نوع موبايله او موديل عربيته..

الفاضي يدور علي تفاهات يكمل بيها نقصه و عجزه..

و المليان مش دي اهتماماته ، يجيب المناسب ليه هو
، حسب إمكانياته و باعتدال و تعقل،
و ينشغل ببناء عقله و ضميره مش انه ينال إعجاب كاذب من الناس ..

اللي بيدور علي لفت نظر الناس ، ح يغير لبسه كل كام يوم ،
و موبايله كل كام اسبوع و عربيته كل كام شهر
؛ الناس يمكن تتكلم عليه كام دقيقة لكن ح تنساه،
و برضه ماحدش ح يحترمه..

اما اللي بيبني نفسه و بيسعد غيره ، الناس لا فاكرة لبسه و لا موبايله ، فاكراه "هو" و بتحبه "هو" و تحترمه "هو" و بس ..

[روزالين روز]

والله كلام حقيقي

[walaa farouk]

ميرسى على مرورك الغالى